Ylli i Kosovës U-21, Ismet Lushaku zbulon ftesën e Arsenalit në prova dhe dështimin shkaku i coronavirusit

Mesfushori i AFC Eskilstuna, Ismet Lushaku ka thënë se ishte ftuar në prova për të vlerësuar përshtatshmërinë ose performancën e tij te Arsenali para bllokimit të coronvirusit në Angli.

Lushaku, i cili është një reprezentues i rregullt i Përfaqësueses së Kosovës U-21 ka një kontratë me AFC Eskilstuna deri në vitin 2021.

Paraqitjet e tij të mira me klubin suedez kanë bërë që Lushaku ta fitojë një provë me Arsenalin në fillim të këtij viti.

Provën me Arsenalin dhe dështimin shkaku i bllokimit nga coronavirusi e ka treguar vet Lushaku.

“Ata më kishin shikuar për një kohë dhe donin të më shihnin në mjedisin e tyre. Më pas mora një ftesë për të shkuar dhe stërvitur dhe për të luajtur me ekipin U23”, ka thënë fillimisht Lushaku për Fotbollskanalen.

“Tre ditë para se të shkoja Mikel Arteta u infektuar me coronavirus dhe pas kësaj më thanë që askush nuk mund të hynte më në ndeshje provuese dhe ata që ishin atje për prova duhet të shkonin në shtëpi, pasi ata nuk donin të rrezikonin që të infektohesha apo se mund të infektohesha dhe të infektoja njerëzit atje”.

“Asgjë nuk shkoi për së mbari. Ata ende kanë kontakte me agjentët e mi”, përfundoi mesfushori i Kosovës.

Ndryshe, 19-vjeçari ka qenë njëri nga më të dalluarit në ekipin e moshave të Kosovës dhe shumë shpejt pritet të marrë ftesë edhe nga Bernard Challandes në ekipin e parë. /Telegrafi/