Sport Futboll Ndërkombëtare

Vinicius ka fituar një kontratë superylli me Real Madridin – rrjedhin detajet e super marrëveshjes

Para 2 vitesh

Vinicius tashmë ka statusin e yllit dhe e ka fituar atë. Katër vite pasi lojtari erdhi si një 18-vjeçar premtues, ai është bërë një yll absolut për Real Madridin.

Pas 10 ditësh, sulmuesi do të rikthehet në Madrid për t’u fokusuar në sezonin e ri, por më parë do të nënshkruajë kontratën e re, e cila e bën të qartë se roli i tij te Real Madridi.

Do të jetë një ditë e veçantë dhe kjo është ajo që klubi dëshiron, sepse ata e dinë se ai është lojtari i thirrur për të bërë një ndryshim në fushë dhe jashtë saj si në aspektin sportiv ashtu edhe në atë financiar.

Drejtorët e Real Madridit duan që nënshkrimi i marrëveshjes të jetë diçka si një shfaqje, pasi gjithçka që rrethon ish-lojtarin e Flamengos është e veçantë dhe ndryshe. Ata besojnë se Vinicius meriton njohjen, e cila vjen në formën e një rinovimi të kontratës.

Ai ka karizëm, personalitet dhe përkushtim absolut ndaj Real Madridit. Rrethanat kanë bërë që roli që do të merrte Kylian Mbappe është marrë nga braziliani dhe kjo është ndjerë e natyrshme.

Kontrata e re bën të qartë se ai tashmë ka statusin e një futbollisti të veçantë, ndërsa tashmë do të jetë ndër lojtarët më të paguar në skuadër.

Rritja e Vinicius në Real Madrid

Braziliani mbërriti për të krijuar një strategji të re në klub, atë të sjelljes së talenteve të rinj dhe marrëveshja i ka tejkaluar çdo pritshmëri, siç dëshmohet nga goli që shënoi në finalen e Ligës së Kampionëve kundër Liverpoolit.

Ardhja e Carlo Ancelottit në bankinë e ktheu jetën e tij sportive. Nga i heshtur dhe pothuajse i futur në tregun e transferimeve, ai është bërë lojtari më i vlefshëm në La Liga.

Vinicius e ka bërë këtë nën drejtimin e italianit dhe me Karim Benzeman në krah të tij, një lojtar që e admiron dhe e do në rolin e liderit që francezi luan për të gjithë në dhomat e zhveshjes.

Marrëveshja e re është mbyllur, finalizuar dhe hartuar. Edhe pse negociatat janë zvarritur për pjesën më të madhe të sezonit, asnjëra palë nuk ka dyshuar ndonjëherë se ishte një marrëveshje e përfunduar.

Florentino Perez dhe Jose Angel Sanchez janë të bindur se versioni më i mirë i Vinicius nuk ka ardhur ende. Ata presin që në vitet e ardhshme ai të luftojë për Topin e Artë dhe pjesën tjetër të çmimeve individuale si rezultat i sukseseve të Real Madridit. Këto lloj shpërblimesh llogariten në kontratën e re.

Klauzola e lirimit në kontratën e re do të vendoset në një miliard euro, siç ka raportuar MARCA. Nuk kishte as problemin më të vogël në vendosjen e kësaj shume.

Vinicius ka fituar respektin e të gjithëve, bashkëlojtarëve dhe rivalëve. E qeshura është kthyer në frikë për atë që ai mund të bëjë me një top në këmbë dhe evolucioni i tij duket se nuk i duket fundi, siç e pamë sezonin e kaluar kur shënoi 22 gola dhe 16 asistime. /Telegrafi/