Vazhdojnë hetimet mbi Lazion shkaku i dyshimit mbi falsifikimin e rezultateve të testeve për COVID-19

Sipas agjencisë së lajmeve Ansa, autoritetet kanë mbledhur prova në lidhje me testet e Lazios për COVID-19 të bëra në terrenin dhe laboratorin e Formellos në Avellino.

Një hetim filloi pasi tre lojtarë të Lazios – Ciro Immobile, Lucas Leiva dhe Thomas Strakosha rezultuan në mënyrë të përsëritur negativ në testet e tyre të brendshme, por pozitiv në testet e bëra nga UEFA.

Situata erdhi në kulm të premten kur doli i njëjti test që u rezultoi negativ në laboratorin që Lazio po përdorte në Avellino, dhe ishte pozitiv në Kampusin Biomedical në Romë.

Lexo po ashtu Konfirmohet nga presidenti i Lazios: Edhe Tare është i prekur me Covid-19

Kampusi Biomedical lajmëroi autoritetin lokal të shëndetit (ASL), prandaj këta lojtarë u urdhëruan të vet-izoloheshin të shtunën pasdite.

Ata të gjithë u larguan nga stërvitja pak para seancës, pavarësisht nga fakti që mjeku i klubit iu kishte dhënë dritën e gjelbër për të luajtur kundër Juventusit sot (e diel).

⚪️ M A T C H D A Y 🔵
Finalmente torniamo a casa.
Forza ragazzi, #CMonEagles!

📺 Segui il post #LazioJuve su #LSC con Sabrina Cavezza pic.twitter.com/7HGcqaCDS1

— S.S.Lazio (@OfficialSSLazio) November 8, 2020

Sipas agjencisë së lajmeve Ansa, përfaqësuesit e ekipit hetimor Guardia di Finanza vizituan Formellon dhe laboratorin Futura Diagnostica në Avellino për të mbledhur prova dhe dokumentacione mbi rezultatet e lojtarëve për COVID-19.

Ka kërkesa në rritje për Lega Serie A dhe FIGC për të krijuar një sistem të centralizuar të testimit, ose të paktën të bien dakord për ndonjë uniformitet në atë shkallë të ngarkesës virale që përbën një provë pozitive të COVID. /Telegrafi/