Tusquets: Nuk e di se çfarë po ndodhë te Barcelona, ​​gjithçka po zbulohet në media

Carles Tusquets , ish-presidenti i komitetit drejtues të Barcelonës , ka shprehur shqetësimin e tij në lidhje me punën e brendshme në klub, veçanërisht mënyrën se si detajet e kontratës së Lionel Messit u zbuluan kohët e fundit në media.

70-vjeçari, i cili është zëvendësuar nga Joan Laporta pasi ky i fundit fitoi zgjedhjet presidenciale, këmbënguli se grupi i tij nuk kishte qasje në marrëveshjen e kapitenit të Barcelonës.

“Unë nuk e di se çfarë po ndodhë te Barcelona dhe gjithçka po zbulohet”, ka thënë Tusquets për Radio MARCA.

Lexo po ashtu Eric Abidal nuk e mbanë më gojën mbyllur – tregon gjithçka çfarë ka ndodhur te Barcelona

“Është shqetësuese. Askush nga menaxhmenti [komiteti] nuk kishte qasje në kontratën e Messit “.

Tusquets sqaroi gjithashtu se ai kurrë nuk ka deklaruar se Messi duhet të largohet nga Barcelona në mënyrë që klubi të mund të financojë disa nga borxhet e tyre.

“Unë nuk thashë se ishte e nevojshme që [Messi] të largohej nga klubi”, shtoi Tusquets .

Lexo po ashtu Si arriti Joan Laporta t’i sigurojë 125 milionë euro për Barcelonën – detaje nga pjesëmarrësit që do të ndihmojnë për transferime

“Ata më pyetën nëse do të ishte ekonomikisht i dobishëm dhe përgjigjja, si ekonomist, ishte e qartë. Por, unë kurrë nuk kam thënë se doja që Messi të largohej nga klubi”.

“Ai që dëshironte të largohej nga klubi në atë kohë ishte Messi. Nëse duhet të qëndrojë, ai duhet ta bëjë këtë në kushte të favorshme për Barcelonën”.

Tusquets gjithashtu e bëri të qartë se Ronald Koeman gëzonte mbështetjen e tij të plotë dhe vlerësoi personalitetin e trajnerit holandez.

Lexo po ashtu ‘GOAT për një arsye’ – faqja e La Ligës publikoi rekordet e Messit në ligë

“Unë e mbështeta Koemanin që në momentin e parë”, vuri në dukje Tusquets.

“Ai i ndjen ngjyrat [e ekipit], ai bleu një shtëpi në Barcelonë dhe ishte i pari që shkoi përpara me çështjen e pagave”, ka shtuar më tej Tusquets. /Telegrafi/