Tifozët e Juves thumbuan Interin në koreografi, faqja zyrtare e zikaltërve ua kthen (Foto)

Derbi i Italisë mes Juventusit dhe Interit është një nga takimet që tifozët e futbollit mezi e presin.

Kjo pasi rivaliteti mes klubeve është në nivelin maksimal si në fushë, ashtu edhe jashtë saj.

Ashtu siç e do tradita, tifozët vendas përgatisin koreografi të bukura, që zakonisht janë thumbim për kundërshtarët.

Belli. Bellissimi. 😍 #JuveInter ⚫️⚪️ pic.twitter.com/gUCakmvhpy

— JuventusFC (@juventusfc) December 9, 2017

Fillimisht në stadiumin e Juves koreografia hapëse ishte llogo e re me ngjyrat e flamurit italian, e përcjellur me drita dhe muzikë.

“Një i mençur thotë: Kina është afër, Italia është një mirazh (përshtypje e rreme, iluzion)”, shkruante në koreografinë e dytë të tifozëve të Zonjës së Vjetër në derbin e së shtunës.

Kjo një tallje për kryesinë kineze që ka klubi zikaltër dhe dëshirën që kanë ata për të fituar Scudetton këtë sezon.

“Tani që kaloi ndeshja Juventus – Inter, tani jemi gati “PËR” ndeshjen e skuadrave që kurrë nuk kanë qenë në Serie B. Shihemi në San Siro, Pordenone!”, shkruhet në njoftimin për ndeshjen e Kupës.

Archiviata #JuventusInter siamo pronti per "LA" partita tra #maistatiinB 😜

Ci vediamo martedì a San Siro, @PordenoneCalcio! #TIMCup #InterPordenone #InterIsComing #FCIM https://t.co/dt3lMlaFtW

— Inter ⭐⭐ (@Inter) December 10, 2017

Kjo ishte një thumb i vogël për Juven dhe kundërshtarët e tjerë, pasi Interi për dallim nga Zonja e Vjetër nuk ka garuar kurrë në ligën e dytë italiane të futbollit.

Ndërsa, kundërshtari i ardhshëm i klubit nga Milano, që aktualisht luan në Serie C, nuk ka arritur asnjëherë të luajë në kategorinë e dytë. /Telegrafi/

https://www.youtube.com/watch?v=23GKzAQbgdE