Tërmeti në Turqi dhe Siri: Si ka ndihmuar Twitter në gjetjen e të mbijetuarve të bllokuar nën rrënoja
Qindra mijëra mesazhe për ndihmë i vërshuan platformat e rrjeteve sociale si pasojë e tërmetit që lëkundi Turqinë dhe Sirinë në mengjesin e së hënës së kaluar.
“Ju lutemi dërgoni ndihmë, jemi gjallë, kjo është adresa jonë e vendbanimit”, shkruajtën disa të mbijetuar, përderisa mesazhet e tjera u postuan në emër të atyre që kishin mbetur ende të bllokuar nën rrënoja.
Sipas platformës online të të dhënave Statista, 16.1 milionë turq e kanë përdorur Twitter-in gjatë muajit janar, duke e bërë atë vendin e shtatë më të madh për sa i përket përdoruesve më aktivë në platformën e rrjeteve sociale, raporton Euronews, transmeton Telegrafi.
Në kohën kur një termet i dytë i madh e goditi vendin në zonën e njëjtë gjatë pasdites së hershme, qindra zhvillues, kodues dhe vullnetarë online nga Turqia veçse ishin organizuar duke përdorur të dhëna nga platformat e mediave sociale si Twitter dhe Instagram.
“Menaxhimi i katastrofave nuk duhet të jetë aq i varur nga sektori privat, por vështirësitë në menaxhimin e krizave i kanë detyruar njerëzit që ta bëjnë këtë”, deklaroi Sedat Kapanoğlu, një nga koduesit më të njohur në Turqi dhe një mbështetës i Açık Yazılım Ağı (Open Software Group), grup ky i cili tani i numëron mbi 21 mijë vullnetarë në radhët e tij.
Një nga projektet që vullnetarët e teknologjisë e kanë zhvilluar është “Afetharita.com” – e që është një “hartë e katastrofave” – që përdorë inteligjencën artificiale për të vizualizuar kërkesat për asistencë që postohen në rrjetet sociale.
Sidoqoftë, ekipi u pengua nga kufizimet e API-së të Twitter (një ndërfaqe që lejon dy softuer të komunikojnë me një tjetër).
Kapanoğlu i bëri një kërkesë të drejtpërdrejtë Elon Musk për të hapur qasjen në të, por pastaj ajo u bë e panevojshme falë një vale të mbështetjes popullore për projektin e hartës.
“Ne i kemi shkruar Elon Musk-ut në lidhje me API-në e Twitter, por pastaj neve na u afruan disa njerëz të cilët ofruan qasjen tyre të zgjeruar në API, dhe prandaj ne nuk kishim nevojë më për ndihmë shtesë nga Musk”, deklaron Furkan Kılıç, një nga zhvilluesit kryesorë pas Open Software Network.
Sipas shifrave të fundit zyrtare, mbi 33,000 njerëz kanë vdekur deri më tani pas dy tërmeteve, dhe me motin e ftohtë të dimrit, shanset që më shumë të mbijetuar të gjenden të gjallë në rrënoja po pakësohen.
Ndërsa disa janë ankuar në mediat sociale për reagimin e ngadaltë të agjencisë së shpëtimit të qeverisë, afetharita.com ndau të dhënat e saj me OJQ-të në mënyrë që ato të mund të ofronin kërkim dhe shpëtim në vendet e duhura.
“Këto të dhëna mund të ndahen edhe me institucionet shtetërore nëse ata kërkojnë”, thotë Kılıç.
Por ai është gjithashtu i vetëdijshëm se vetëm një hartë nuk mund të shpëtojë jetë.
“Ne nuk e dimë se sa jetë u shpëtuan me këtë hartë, më së shumti që mund të bëjë është t’u tregojë informacionin e vendndodhjes ekipeve të shpëtimit”, tha ai për Euronews Next.
Vendimi i qeverisë turke për të bllokuar përkohësisht Twitter të mërkurën për shkak të “shqetësimeve të dezinformimit” u prit me mosbesim tek përdoruesit e platformës.
Sipas Kapanoğlu, përpilimi i të dhënave nga Twitter u prek gjithashtu nga masa.
“Viktimat e tërmetit që kishin të instaluar vetëm Twitter në telefonat e tyre po bënin që zërat e tyre të dëgjoheshin atje”, bëri të ditur ai.
Por, ekipi i zhvilluesve vullnetarë janë të prirur për të “mprehur” aftësitë e tyre dhe për të vazhduar zhvillimin e projekteve me burim të hapur.
“Qëllimi ynë është të ndërtojmë sisteme që mund të funksionojnë nën çdo lloj ngarkese për OJQ-të dhe institucionet shtetërore në rast të një fatkeqësie të mundshme, të cilën shpresoj se nuk do ta përjetojmë më kurrë dhe nuk do të kemi nevojë ta përdorim kurrë”, deklaroi Kılıç. /Telegrafi/
Lufta Prigozhin - Putin
Më shumëNetflix ka përgatitur një tjetër surprizë të ‘pakëndshme’
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Samsung me mbushës të ri për telefona, mund të mbushë të njëjtën kohë dy pajisje - ka dy porte USB-C
Influencuesi i njohur i IT-së përsëri kritikon një produkt të AI, kësaj radhe cak i sulmit ishte Rabbit R1
Instagram po ndryshon algoritmin që ndikon në ‘Reels’
Kush po investon më shumë në Evropë në inteligjencën artificiale?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës