LAJMI I FUNDIT:

Skulptura e Giacomettit nxirret në shitje – çmimi minimal është 90 milionë dollarë

Skulptura e Giacomettit nxirret në shitje – çmimi minimal është 90 milionë dollarë

Një vepër nga Alberto Giacometti, artisti që qëndron pas disa prej skulpturave më të shtrenjta të historisë, po del për shitje – por ofertat do të bëhen tërësisht në fshehtësi.

Deri më 27 tetor, shtëpia e ankandeve Sotheby’s do të pranojë oferta konfidenciale për “Grande femme I”, një bronz me gjatësi nëntë metra të një gruaje me gunga. Dhe me një çmim fillestar prej 90 milionë dollarësh, e ashtuquajtura shitje “me ofertë të mbyllur” mund të arrijë një nga shumat më të mëdha të paguara ndonjëherë për një skulpturë, raporton CNN.


Artisti zviceran e bëri veprën e artit prej bronzit në vitin 1960, gjashtë vjet para vdekjes së tij. Ishte pjesë e një serie të madhe të skulpturave të destinuara për të formuar një instalim të madh publik në qytetin e New Yorkut, megjithëse shfaqja në natyrë nuk u realizua kurrë.

“Grande femme I” mishëron stilin e karrierës së vonë të Giacomettit, të cilin e zhvilloi pas Luftës së Dytë Botërore: figura të zgjatura, me teksturë që duken të brishta, por të rënda me pasoja psikologjike, transmeton Telegrafi.

Sotheby’s tha që këshilltari i tyre i përgjithshëm do të rishikojë ofertat së bashku me një auditor të jashtëm një ditë pas mbylljes së ofertave. Ofertuesi që bën ofertën më të lartë do t’i takojë skulptura, megjithëse identiteti i blerësit dhe çmimi përfundimtar i shitjes nuk do të zbulohen nga shtëpia e ankandit.

Shitjet me oferta të mbyllura janë relativisht të pazakonta në tregun e artit, megjithëse Sotheby’s përdori një format të ngjashëm për të ofruar një përzgjedhje të veprave artistike bashkëkohore dhe sendeve të bizhuterive në atë që u përshkrua si një “ankand i heshtur” në muajin maj në Hong Kong.

Giacometti bëri tituj në vitin 2015 kur vepra e tij e famshme e vitit 1947 “L’homme au doigt” u bë skulptura më e shtrenjtë që është shitur ndonjëherë në ankand, duke arritur 141.3 milionë dollarë në Christie’s në New York.

Ai mbetet skulptori i vetëm, vepra e të cilit dihet se është shitur për mbi 100 milionë dollarë, me një botim të “L’Homme qui marche I” që arrin 104,3 milionë dollarë në vitin 2010 dhe vepra artistike “Chariot” ishte shitur për gati 101 milionë dollarë në vitin 2014.

Skulptura tjetër që i ka ardhur më afër 100 milionë dollarë është “Lepuri” i Jeff Koons, i cili grumbulloi 91.1 milionë dollarë në vitin 2019 për t’u bërë vepra më e shtrenjtë nga një artist i gjallë. /Telegrafi/

Në trend Botë

Më shumë
Publikohen imazhet e reja të bombarduesit të ri amerikan B-21 Raider, është i armatosur me armë bërthamore

Publikohen imazhet e reja të bombarduesit të ri amerikan B-21 Raider, është i armatosur me armë bërthamore

Amerika
Shpërthime të fuqishme në qytetin e pushtuar ukrainas

Shpërthime të fuqishme në qytetin e pushtuar ukrainas

Evropa
Putin pretendonte se janë “më modernet”, por tanket ruse T-90 me lehtësi po shkatërrohen nga ukrainasit – pamje që e dëshmojnë

Putin pretendonte se janë “më modernet”, por tanket ruse T-90 me lehtësi po shkatërrohen nga ukrainasit – pamje që e dëshmojnë

Evropa
Netanyahu thotë se sulmet ajrore izraelite që vranë dhjetëra persona në Rafah ishin “gabime tragjike”

Netanyahu thotë se sulmet ajrore izraelite që vranë dhjetëra persona në Rafah ishin “gabime tragjike”

Azia
Të shtëna midis Izraelit dhe Egjiptit, vritet një egjiptian

Të shtëna midis Izraelit dhe Egjiptit, vritet një egjiptian

Botë
Presidenti turk akuzon kryeministrin izraelit: Po imiton Millosheviqin dhe Karaxhiqin

Presidenti turk akuzon kryeministrin izraelit: Po imiton Millosheviqin dhe Karaxhiqin

Turqia
Kalo në kategori