Shpërthen Dzeko, Roma triumfon në Napoli (Video)

Sulmuesi boshnjak Edin Dzeko ka qenë vendimtar në fitoren e Romës në udhëtim te Napoli me dy gola të shënuara.

Ndeshja kryesore e javës së tetë në Serie A i takoi Romës që triumfoi me rezultat të ngushtë 3-1.

Pjesa e parë filloi më mirë për mysafirët të cilët vazhdimisht kontrollonin topin në fushë dhe shpesh here rrezikonin nëpërmjet Edin Dzekos dhe Mohamed Salah.

Pikërisht kjo dyshe funksionoi në mënyrë fantastike dy minuta para fundit të pjesës së parë.

Mbrojtësi Koulibaly bëri një gabim dhe humbi topin përball Salah, ndërsa ky i fundit shërbeu bukur Dzekon që shënoi për 0-1.

Edhe në pjesën e dytë ishin kryeqytetasit të cilët e nisën më mire mkëtë përballje.

Po kalonte minuta e 54-të, kur Alessandro Florenzi harkoi bukur në zonë dhe gjeti Edin Dzekon i cili me kokë ngriti epërsinë në 2-0 (54’).

Epërsia e dyfishtë e Romës nuk zgjati më shumë se katër minuta, pasi ishte mbrojtësi Kalidou Koulibaly i cili ngushtoi epërsinë në 1-2 pas një goli të shënuar me kokë.

Napoli bënte presion për ta barazuar rezultatin, mirëpo Martens dhe Callejon nuk arritën t’i shfrytëzonin rastet e krijuara përballë portierit mysafir Szcesny.

Por ishte minuta e 85-të e ndeshjes kur sulmuesi këmbëshpejtë Mohamed Salah doli përballë portierit Pepe Reina dhe shënoi për 3-1.

Pas kësaj fitore Roma është ngjitur në pozitën e dytë me 16 pikë të tubuara, ndërsa Napoli ka zbritur në të tretën me 14 sosh.

Javën e ardhshme Roma do të jetë nikoqire e Palermos në ‘Olimpico’, ndërsa Napoli do të luajë në udhëtim tek Crotone. /Telegrafi/

https://www.youtube.com/watch?v=K4O_Ha2zfwc

https://www.youtube.com/watch?v=ooXb_81wRfI

https://www.youtube.com/watch?v=U5zDcvUF5yM

https://www.youtube.com/watch?v=1fzfL5N0QHk