Serie A qëndron në shtëpi, me përjashtim të Inter!

Nuk do të ketë turne në diell për ekipet e Serie A gjatë pushimeve të fundvitit! Me përjashtim të Inter, që do të luajë një turne triangolar në Marbella të Spanjës më 3 janar, skuadrat e tjera italiane do të qëndrojnë në shtëpi.

Pas Superkupës, Montella i ka dhënë dy ditë pushim më shumë Milan që do të nisë punën më 1 janar në Milanello. Edhe Juventus dhe Roma do të jenë në ditën e parë të vitit në fushat e tyre stërvitore Vinovo dhe Trigoria. Lazio do të grumbullohet më 29 dhjetor, ndërsa Napoli një ditë më pas.

Serie A këtë vit, me përjashtim të Inter, ka vendosur të qëndrojë në Itali. Bologna dhe Crotone do të ndërrojnë seli, por jo shtet. Bolonja do të grumbullohet në Katania nga 1 deri në 7 janar, ndërsa nga 3 deri në 7 janar Crotone do të jetë në Romë.

Skuadra e fundit që do të kthehen në punë janë Cagliari, Fiorentina dhe Genoa, të cilat e kanë lënë ditën e parë të grumbullimit më 2 janar. Për momenti, të vetmet miqësore të caktuara janë ato të Inter në Kadiz, kundër Marbella dhe Linense dhe të Torinos me Monzën më 4 janar.