Sacchi: Guardiola e di një gjë për finalen e Ligës së Kampionëve kundër Interit

Ish-trajneri i Italisë dhe Milanit, Arrigo Sacchi ka thënë se Pep Guardiola është i vetëdijshëm se nuk mund të bëjë “asnjë gabim” kundër Interit në finalen e Ligës së Kampionëve, pasi Nerazzurrët mund t’i shkaktojnë telashe kujtdo.

Nerazzurrëve u duhet një pikë për të fituar një vend në katërshe në Serie A këtë sezon, por, më e rëndësishmja, ata po përgatiten për finalen e Ligës së Kampionëve kundër Manchester Cityt më 10 qershor.

Ata nuk janë favorit ndaj ekipit të Pep Guardiolës, por Sacchi beson se fitorja e Cityt nuk duhet të merret si e mirëqenë.

“Italia po zgjohet me kushtet e futbollit. Ka gjithnjë e më shumë strategë dhe më pak taktikë. Një revolucion që ka nisur kryesisht falë të ashtuquajturave skuadra më të vogla që duan të luajnë mirë edhe kundër skuadrave kryesore”, ka thënë fillimisht Sacchi për Gazzetta dello Sport.

Lexo po ashtu Finalja e Ligës së Kampionëve: Vendi, data, ora dhe rruga e ekipeve

“Interi ndihet mirë fizikisht dhe meritat i shkojnë Simone Inzaghit, një trajner i mirë dhe një njeri i arsimuar”.

“Ai e solli ekipin në krye në momentin më të mirë të sezonit dhe është mjaft i mençur që të mos reagojë kur lojtarët e tij janë të pakënaqur me zëvendësimet. Ai ka fituar dy trofe dhe rezultati kundër Man Cityt nuk është vendosur ende”.

Lexo po ashtu Teoria konspirative, Interi do të fitojë Ligën e Kampionëve për shkak të Marcelo Brozovic

Nerazzurrët kanë fituar Superkupën dhe Kupën e Italisë këtë sezon, që do të thotë se Inzaghi ka ngritur tashmë katër trofe që kur iu bashkua Interit në vitin 2021. Prandaj, Sacchi beson se fitorja e Cityt kundër Interit në Stamboll nuk është e sigurt.

“Man City ka cilësi të mëdha. Guardiola e ka zgjuar grupin, tani ata sulmojnë, lëvizin në hapësira dhe nuk bazohen vetëm në teknikë.

“Por më besoni, Interi ka një shans sepse ne italianët jemi gjithmonë aty në momentet e rëndësishme dhe të tjerët nuk kanë të njëjtën cilësi, të cilat duhet mbrojtur”.

Lexo po ashtu Guardiola thotë se ka filluar ta ndjek Interin: Jam impresionuar nga loja e tyre, mund ta fitojnë Ligën e Kampionëve

“Nëse City dëshiron të fitojë trofeun, ata duhet ta fitojnë atë sepse lojtarët e Interit mund të shkaktojnë telashe për këdo. Guardiola e di se nuk mund të bëjë asnjë gabim sepse një trajner si Inzaghi nuk do ta falte atë”, përfundoi italiani.

Kjo do të jetë finalja e parë e Ligës së Kampionëve për Interin që nga sezoni 2009/10, kur ata ngritën trofeun nën drejtimin e Jose Mourinhos, duke kompletuar një tripletë legjendare.

Ndryshe, Interi ka fituar Ligën e Kampionëve tre herë në historinë e tyre, ndërsa City asnjëherë. /Telegrafi/