Kohë sloganesh të mërzitshme për të ardhmen e ndritur.
Kohë kur gjuha mbytet nga klishetë.
Kohë kur largpamësit i thyejnë këmbët nëpër gropa.
Kohë kur udhët na kthejnë në vendin ku jemi nisur.
Kohë kur ardhmëria e të rinjve këmbehet për interesat e pleqve të perënduar.
Kohë kur edhe presidenti (po të mos ishte president), do ta braktiste vendin.
Kohë kur shkalla e papunësisë ulet nëpërmjet eksodit.
Kohë kur luksi shijohet nga ata që s’punojnë.
Kohë kur të punësuarit s’e dinë vendin e punës.
Kohë kur dështimet dhe mjerimet fshihen pas lavdive të moçme dhe mbulohen me flamur kombëtar.
Kohë kur tregtarët e flamujve flasin për sakrifica atdhetare.
Kohë kur nëpërmjet fjalimeve për të mirën e përgjithshme fshihen dobitë personale.
Kohë kur dështimet personale paketohen si dështime të kombit.
Kohë kur minierat e arit gjenden nëpër institucionet e shtetit.
Kohë kur premtohen ndryshime për shkak të huajve dhe jo për shkak të vetvetes.
Kohë merimangash ndëshkimi dhe përmbaruesish.
Kohë kur rrugët, sheshet, shkollat, institucionet mbajnë emra heronjsh që i njeh vetëm historia e shkruar nga fituesit.
Kohë kur shumëkush flet me kompetencë të frikshme.
Kohë kur amatorizmi stimulohet në mënyrë profesionale.
Kohë kur apologjetët e regjimit të djeshëm sillen si disidentë.
Kohë kur persekutuesit shpallen të persekutuar.
Kohë kur adhurohen të fortët dhe përçmohen mendimtarët.
Kohë kur mungon mendimi kritik.
Kohë kur mediat bëhen fortafolëse partish politike.
Kohë kur velinat flasin për probleme socio-kulturore e politike.
Kohë kur ata që i ikin përgjegjësisë personale, flasin për përgjegjësi kolektive.
Kohë kur intelektualët presin pensionin që ta thonë mendimin e tyre, sepse atëherë nuk u rrezikohet vendi i punës.
Kohë kur idealizmi barazohet me marrëzinë.
Kohë kur ai që ka ndërruar disa parti flet për konsekuencë ideologjike.
Kohë kur maska është bërë fytyra jonë e vërtetë.
Kohë kur e djeshmja peshohet me kandarin e së sotmes.
Kohë kur ende kemi veteranë nga Lufta e Dytë Botërore.
Kohë kur mësohet vetëm historia e luftërave dhe jo edhe historia e kulturës.
Kohë kur shihen pellazgët dhe nuk shihen shqiptarët e Manastirit.
Kohë kur çdokush që pastron një ferrë pret që historia t’ia shënoj si kontribut për komunitetin.
Kohë kur fyhesh nëpërmjet librave shkollorë.
Kohë kur artisti i përkulet politikanit.
Kohë kur çdo lagje i ka artistët e saj.
Kohë kur secili intelektual ka disa mirënjohje për merita të veçanta.
Kohë kur bëhet humor me fatkeqësinë e tjetrit.
Kohë ku secili tenton të ndryshojë tjetrin, por jo edhe vetveten.
Kohë letargjie, indiference, mosbesimi.
Kohë kur nuk ka ekuilibër ndërmjet faktorit shpirtëror dhe material.
Kohë kur mungon ndjenja për jetën e përbashkët, e cila arrihet vetëm nëpërmjet kulturës, nëpërmjet punës me metodë, disiplinë dhe ngulmim.
Për këtë gjendje të gjithë jemi fajtorë edhe pse luajmë rolin e viktimës në teatrin e historisë, sepse duam të flakim peshën e përgjegjësisë.
Përvoja dhe dija sociologjike dëshmon se mund të dalim nga kjo gjendje vetëm nëpërmjet një strategjie të re, me një sistem të ri shoqëror e shtetëror.
Kjo strategji nuk krijohet nga ata që notojnë nëpër fondet publike, por nga ata që nuk duan të vdekërojnë nën trysninë e banalitetit të provincës së shpallur si qendër e botës.
Njerëzit me qëllime më të larta jetësore mendojnë se çfarë shoqërie do t’u lënë brezave të ardhshëm.
Kur mungon kjo strategji, atëherë ka vetëm zhurmë. Shumë zhurmë për asgjë. Shumë zhurmë për çështje kalimtare. Shumë zhurmë për bukën e përditshme. Shumë zhurmë për çështje ekzistenciale dhe jo esenciale. Shumë zhurmë për konstatimin e gjendjes, por pa ofruar zgjidhje. Mjafton që ka zgjedhje, pastaj mund të mendohet për zgjidhje!
Kjo është politikë për efekte çasti.
Në fillim është ideja, pastaj ideja hidhet në veprim. Pa ide nuk ka veprim. Pa ide ka rrugëtim politik nëpër mjegull.
Një popull pa synim është popull i humbur. Një popull i dëshpëruar shkon drejt atrofizimit, moçalizimit. Një popull që humb shpresën, ai vdekëron.
Politika nuk është lojë fati. Ajo përveçse mendim është edhe veprim. Veprimit politik i paraprin ideja e qartë politike.
Politika e përkufizuar si pajtim i njeriut me shoqërinë krijon strategji dhe nuk reduktohet në përplasje meskine për çështje të parëndësishme.
Politika që i përjashton heronjtë e mendimit është politikë “çka sjell moti”, “në daltë ku të dalë”.
Në historinë politike shqiptare ka pasur modele apo ideologji të menduara mirë, që mund të përshtaten edhe për kohën tonë. Pastaj duhet vendosmëria për ta jetësuar idenë. Kështu vepruan rilindësit, këta krijues të projektit politik, që kishte synim krijimin e shtetit të pavarur shqiptar. Kështu vepruan mendimtarët e viteve ‘30-të të cilët krijuan disa projekte autoktone shqiptare: Branko Merxhani dhe Vangjel Koça projektuan “neoshqiptarizmën”, Mithat Frashëri shpërfaqi ideologjinë e tij nëpërmjet “Dekalogut” të njohur, Anton Harapi e prezantoi Ideologjinë Shqiptare, kurse Ismet Toto e prezantoi ideologjinë e quajtur “Diktatura e ndritur”. Sigurisht ka aty shumëçka utopike, por ka edhe shumëçka që i duhet kohës sonë. /TV Shenja/
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Betejë me Top Channel, Olsi Bylyku thirret përpara Gjykatës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën