Rrahje në basketbollin kroat: Basketbollisti i Zarës e nokauton kundërshtarin e Splitit

Një skenë e pazakontë është parë në një ndeshje basketbolli në ligën kroate që u zhvillua ndërmjet KK Splitit dhe Zarës (KK Zadar).

Takimi përfundoi me fitoren e Zarës që ishte mysafire me rezultat 120-88, mirëpo ndeshja përfundoi me vetëm tetë basketbollistë në parket për shkak të një rrahje masive.

Derisa skuadra mysafire ishte në epërsi 97-66 ndaj vendasve të Splitit, amerikani nga ekipi vizitor, Preston Knowles, e nokautoi lojtarin kundërshtar, Mate Kalajzic.

Përleshja nisi ndërmjet Knowles dhe Pavle Marcinkovic gjatë një sulmi të skuadrës së Zarës.

Më pas u përfshinë edhe basketbollistët tjerë, sidomos Kalajzic, i cili e pësoi keq kur basketbollisti amerikan e goditi fuqishëm dhe ai u përplas në parket.

Menjëherë pasoi një tollovi e madhe, meqë pas Knowles vrapuan ta sulmonin basketbollistët vendas, sidoqoftë bashkëlojtarët e tij ia dolën ta tërhiqnin për ta penguar që të mos lëndohej.

Pas përfundimit të ndeshjes, trajnerët e të dyja skuadrave – ai i Zarës, Aramis Naglic dhe ai i Splitit, Ivica Skelin – shprehën keqardhje për incidentin. /Telegrafi/

Basket match mellan Split-Zadar. Zadar leder med 30bollar med några få sekunder kvar och detta händer sjukaste knocken fyfan😂😂
pic.twitter.com/zZMLYilIuq

— Marin (@MarinLadan) March 18, 2018