Rikthimi i futbollit anglez në majë – katër klube duan finale që flasin vetëm anglisht

Kur Anglia po mendon daljen nga Evropa, klubet nga ky vend po i dominojnë garat evropiane, katër skuadra një në gjysmëfinale të Ligës së Kampionëve dhe Ligës së Evropës. 

Liverpooli, Tottenhami, Arsenali dhe Chelsea: katër ekipe të Ligës Premier, i kanë gjasat që edhe finalet t’i bëjnë të flasin anglisht.

Kjo gjë nuk ndodhte që prej 35 vitesh dhe objektivi është: thyerja e dominimit spanjoll.

Merita e kësaj është vetëm kampionit Liga Premier, ku asnjë skuadër nuk mendon të mbrohet, vetëm të sulmojmë.

Dëshmi është ndeshje Manchester City-Tottenham që u mbyll 4-3.

Meritë sigurisht edhe e parave që vijnë nga të drejtat televizive falë një produkti të pakrahasueshëm me vendet e tjera.

Në Ligën e Kampionëve, Liverpooli pasi dështoi në finale e vitit të kaluar kundër Real Madridit, do të ketë përballë me Barcelonën.

Në anën tjetër Tottenhami, pa Harry Kanen e dëmtuar, do të luajë ndaj Ajaxit.

Në Angli shpresojnë ta shohin një derbi anglez në finale, pas 11 viteve kur ishte pas Manchester United – Chelsea.

E njëjtë gjë ndodh edhe në Ligën e Evropës.

Chelsea që drejtohet nga Maurizio Sarri, do të përballet me Eintracht Frankfurtin.

Arsenalit në gjysmëfinale do të luajë ndaj Valencias.

“Football’s coming home” (futbolli po kthehet në shtëpi). Po kupat a do ta bëjnë këtë udhëtim? /Telegrafi/