Real Madridi po punon për rikthimin sensacional të Ronaldos

Klubi spanjoll, Real Madridi është i etur për të rikthyer yllin e Manchester Unitedit, Cristiano Ronaldon, në Santiago Bernabeu.

Sulmuesi 37-vjeçar ka dhënë një tjetër sezon të jashtëzakonshëm me gola te Manchester United pas kalimit të tij prej rreth 15 milionë eurosh nga Juventusi verën e kaluar.

Pavarësisht formës tronditëse të Unitedit, Ronaldo ka shënuar 23 gola në të gjitha garat – 17 në Ligën Premier – pavarësisht se luan në një ekip të ‘varfër’.

Lexo po ashtu Ronaldo nuk është pjesë e planeve të Ten Hag te Man Utd, pritet largimi i portugezit nga Old Trafford

Sipas The Mirror, paraqitjet e tij në Angli kanë shkaktuar bujë në Bernabeu, me figurat kyçe dhe me ndikim në klub që duan rikthimin e Ronaldos duke e ditur se ai do të sjellë gola të garantuar në La Liga.

Megjithëse ai nënshkroi një marrëveshje dyvjeçare, me opsionin e një viti shtesë kur u transferua nga Juventusi, peizazhi ka ndryshuar shumë në Old Trafford në shtatë muajt e fundit dhe e ardhmja e Ronaldos në United tani është e pasigurt.

Lexo po ashtu Legjenda e Man Utd, Keane: Ten Hag dhe Ronaldo duhet të bisedojnë

Unitedi po përgatitet për trajnerin e tyre të tretë në më pak se një vit kalendarik, me trajnerin e Ajaxt, Erik ten Hag, gati për të filluar një rindërtim të madh këtë verë pas Ole Gunnar Solskjaer, i cili u shkarkua në nëntor dhe u zëvendësua nga trajneri i përkohshëm Ralf Rangnick.

Ndërsa Real Madridi do ta merrte atë këtë verë dhe do t’i jepte shumë kohë për të luajtur sezonin e ardhshëm, është e paqartë nëse Ten Hag e sheh sulmuesin veteran si çelësin për të ardhmen e afërt të Djajtë e Kuq. /Telegrafi/