Reagon rrjeti i hoteleve të Ronaldos: Jemi hotel, nuk do të jemi spital

Raportet që hoteli i Cristiano Ronaldos ishte gati të shndërrohej në një infermieri për të prekurit me coronavirusit nuk janë të vërteta.

Gazeta spanjolle Marca pretendoi se ish-ylli i Real Madridit ishte gati që një nga dy hotelet e tij të shndërronte në spital për të ndihmuar në luftimin e pandemisë, e cila ka infektuar mbi 160 mijë njerëz në të gjithë botën dhe tani ka vrarë mbi 6 mijë.

Infeksioni është në fazat e tij të hershme në vendlindjen e fituesit të pesëfishtë të Topit të Artë, në Portugali, ku rastet u rritën nga 76 në 245 në ditën e fundit.

Lexo po ashtu Përgënjeshtrohet lajmi se Ronaldo ka lëshuar falas hotelet e tij për të prekurit nga coronavirusi

Sidoqoftë, stafi i hoteli të Ronaldos në Lisbonë ka thënë se ata nuk dinë asgjë për planet për ta transformuar përdorimin e tij në baza të përkohshme.

“Ne jemi një hotel. Ne nuk do të jemi spital”, thuhet fillimisht nga një zëdhënës i hotelit për RTL Nieuws.

“Është një ditë si gjithë të tjerat, ne jemi dhe do të mbetemi një hotel”.

“Ne po telefonohemi nga shtypi. Ju uroj një ditë të mbarë”, përfundoi zëdhënësi. /Telegrafi/

There had been rumours that two hotels owned by Cristiano Ronaldo would become hospitals to aid coronavirus relief.

However, a hotel spokesperson told RTL Nieuws: "We are a hotel. We are not going to be a hospital. It is a day like every other; we are and will remain a hotel." pic.twitter.com/r1IcQQm1wc

— GOAL (@goal) March 15, 2020