Ramos: Salah është vetëm njëri nga 11 lojtarët e Liverpoolit, ne luajmë për trofeun e radhës

Sergio Ramos ka folur për finalen e Ligës së Kampionëve që Real Madridi i tij e luan ndaj gjigantëve anglez të Liverpoolit.

Mediat kanë lartësuar yllin e Liverpoolit, Mohamed Salah, i cili pritet të jetë lojtari kryesorë dhe vendimtar në finalen e Ligës së Kampionëve.

Por, Ramos këmbëngul se Salah është vetëm njëri nga lojtarët e Reds, duke thënë se skuadra e tij nuk frikësohet dhe do të luaj për trofeun e radhës në Evropë.

Lexo po ashtu UEFA zbulon listën e 10 skuadrave më të mira në Evropë, Liverpool dhe Real Madrid ndajnë vendin e parë

“Ne kemi parë atë që Salah mund ta bëjë këtë sezon, por ai do të jetë vetëm njëri nga 11 lojtarët që ne përballemi kundër Liverpoolit”, ka thënë fillimisht Ramos për Mirror.

“Gjatë gjithë karrierës sime, unë jam ballafaquar me sulmuesit më të mirë në botë – shumë prej tyre që konsiderohen ndër më të mëdhenjtë ndonjëherë”.

Lexo po ashtu Do të udhëtoni ta shikoni ndeshjen Real Madrid-Liverpool - Dhjetë gjërat që duhet t’i dini për qytetin e Kievit ku zhvillohet finalja e Ligës së Kampionëve

“Për mua, kurrë nuk ka frikë. Respekt, po, por asnjëherë frikë”.

“Ne nuk mund të jemi arrogantë, por mund të jemi të sigurt. Ne e dimë se është në ADN-në e Real Madridit për të fituar Ligën e Kampionëve”.

“Jemi të gatshëm për të mbrojtur titullin tonë për herë të dytë – ne nuk do ta lejojmë atë të shkojë lehtë”.

Lexo po ashtu Salah, Mane dhe Firmino thyejnë rekordin e BBC-së në Ligën e Kampionëve

“Me gjithë respektin, ndoshta në fillim të sezonit Liverpooli nuk ishte ekipi që njerëzit mendonin se do të ishin në finale, por ata janë këtu, sepse ata meritojnë të jenë këtu”.

“Ne e dimë si ekip se si të luajmë në finale – dhe ne do të jemi gati”, përfundoi kapiteni i Real Madridit. /Telegrafi/