Prishtinë. Deklaratat politike se pagat në sektorin publik janë ngritur prej 20 deri në 50 për qind i ka hedhur poshtë vetë Qeveria e Kosovës. Në Kornizën Afatmesme të Shpenzimeve (KASH) 2012-2014, të cilin e ka përgatitur së fundi Ministria e Financave (MF) bëhet e ditur se pagat në sektorin publik nuk u rritën më shumë se 23 për qind.
Kjo përqindje është në kundërshtim me deklaratat e zyrtarëve më të lartë të Qeverisë së Kosovës, të prirë nga kryeministri Hashim Thaçi, i cili konfirmonte vazhdimisht se pagat në arsim janë ngritur 50 për qind dhe në shëndetësi 30 për qind, sektorë këto që përbëjnë numrin më të madh të shërbyesve civilë në vend.
Në bazë të këtyre premtimeve, pagat në mesatare është dashur të ngrihen rreth 40 për qind. Mirëpo, sipas KASH-it, pagat nuk pritet të rriten shumë as gjatë viteve në vijim, ku shpenzimet për paga dhe mëditje vitin 2012 do të jenë për 16 milionë euro më të larta se këtë vit, ndërsa në vitin 2013 do të jenë për 4 milionë më të larta se një vit më parë dhe në vitin 2014 pagat dhe mëditjet do të rriten vetëm pesë milionë euro, krahasuar me vitin 2013, shkruan Zëri.
Edhe kryesindikalisti i Kosovës, Haxhi Arifi, pohon se pagat e shërbyesve civilë nuk u rritën ashtu siç u premtua. Sipas tij, as në arsim as në shëndetësi nuk u janë rritur pagat 50 për qind, përkatësisht 30 për qind.
Ndërsa profesori i ekonomisë, Muhamet Sadiku, thotë se ndërprerja e programit të FMN-së me Kosovën këtë vit e ka arritur efektin e vet, prandaj, siç thotë ai, tash dëgjohen zërat qeveritarë se pagat janë rritur 20 për qind, e jo 30 e 40 për qind. “Korniza Afatmesme e Shpenzimeve 2012-2014 është një ftesë e Qeverisë për FMN-në për bisedime, pasi që pagat janë rritur 20 për qind, e jo 30 e 40 për qind”, shprehet Sadiku.
Sipas tij, Qeveria e Kosovës nuk i ka prezantuar FMN-së argumente të mjaftueshme për rritje pagash, ndonëse në 6-7 vjeëtët e fundit pagat e shërbyesve civilë nuk kanë pësuar ngritje. “Qeveria e Kosovës ka mundur ta argumentojë se i duhet një administratë profesionale për proceset integruese të vendit, prandaj, pagat duhet të jenë motivuese për shërbyesit civilë”, është shprehur Sadiku.
Nga ana tjetër, komisionari i BE-së për Zgjerim, Stephan Fule, në Forumin për Ballkanin Perëndimor, të mbajtur javën e kaluar në Luksemburg, ka deklaruar se BE-ja është e brengosur lidhur me qëndrueshmërinë afatgjatë të buxhetit dhe parashikueshmërinë e politikave ekonomike. “Mosrespektimi i Marrëveshjes “Stand-By” me FMN-në është dëmtues. Zbatimi i programit të monitoruar nga stafi do t’i japë Kosovës rast të ri për rikthimin e kredibilitetit”, ka theksuar ai.
Rritje e vogël e shpenzimeve për paga, në vitin 2010 do të shpenzohen 311 milionë euro, 2011= 383 milionë euro, 2012= 399 milionë euro, 2013 = 403 milionë euro dhe 2014= 408 milionë euro. /Telegrafi/
Promo
Reklamo këtuLufta Prigozhin - Putin
Më shumëLajm me rëndësi për shqiptarët e Zvicrës!
Me një ceremoni madhështore, diplomuan studentët e gjeneratës së 21-të të UBT-së
Mishi i freskët i pulës nga Perutnina Ptuj – 10% zbritje për një muaj!
Nga pamja e detit te rehatia moderne: Apartamentet në “Holiday In 2”
Subvencionimi i faturave të rrymës, këtu mund të aplikojnë familjet e skemave sociale dhe pensionale
Spearmint: Çaji që balancon hormonet dhe përmirëson shëndetin tuaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Amarildo Bakaj merr një fitore të madhe, detyron kundërshtarin që ta dorëzojë meçin
Neymari u dërgon brazilianëve të Real Madridit një ‘mesazh të tmerrshëm’ për Mbappen
Georgiev: Të pranojmë të vërtetën, Serbia e njohu Kosovën
Lamine Yamal zbulon se cila është diferenca kryesore mes Hansi Flickut dhe Xavit
Lotina Haziri publikon fotografi nga dasma e motrës së saj, ku dukej tejet elegante në krahët e Mozzikut
Disa prindërve u kërkohen verifikime shtesë për vazhdimin e shtesave për fëmijë, MF-ja pa sqarime