Ndërsa dhuna mes Izraelit dhe Hamasit shpërtheu, Kremlini u përpoq të vendoste presidentin rus Vladimir Putin në rolin e “ndërmjetësit të paqes”.
Zëdhënësi i Putinit, Dmitry Peskov, tha se Rusia mund të veprojë si ndërmjetëse në vazhdën e sulmeve të grupit militant ndaj qyteteve izraelite, një festivali muzikor dhe bazave ushtarake, dhe bombardimeve të Gazës nga Izraeli.
Rusia, tha Peskov, synon “të vazhdojë të bëjë përpjekje dhe të luajë rolin në drejtim të ofrimit të ndihmës për të kërkuar mënyra për një zgjidhje”.
Ndërsa duke folur të enjten, Putin tha se Rusia mund të “të japë një kontribut në procesin e paqes”.
“Epo, pse jo?”, tha ai. “Ne kemi pasur marrëdhënie biznesi shumë të qëndrueshme me Izraelin. Ne kemi pasur marrëdhënie miqësore me Palestinën për dekada”.
Por pretendimet e Rusisë nuk duhet të merren “shumë të sinqerta”, paralajmërojnë analistët, shkruan Business Insider, përcjell Telegrafi.
Ata thonë se Putini ka më shumë për të fituar, jo duke i dhënë fund shpejt konfliktit, por duke e zgjatur atë për të çuar përpara qëllimet strategjike të Rusisë, veçanërisht në Ukrainë.
Rritja e çmimeve të naftës dhe shpërqendrimi i aleatëve nga Ukraina
Putini “po luan një lojë të gjatë” në Ukrainë, të cilën forcat e tij e pushtuan në vitin 2022.
Ai shpreson që angazhimi i aleatëve perëndimorë të Ukrainës, të cilët kanë dhënë miliarda ndihma dhe armë, do të fillojë të dobësohet.
“Një krizë rivale për të shpërqendruar aleatët e Ukrainës, në formën e luftës në Lindjen e Mesme, mund të sigurojë pikërisht këtë”, shkruan Robert Dover, profesor i Inteligjencës dhe Sigurisë Kombëtare në Universitetin e Hull në Mbretërinë e Bashkuar.
Një konflikt i tillë do të largonte vëmendjen, energjinë diplomatike, madje edhe burimet ushtarake nga Ukraina nëse Izraeli do të nisë një pushtim tokësor të Gazës, vlerëson Dover.
Një faktor tjetër është çmimi i naftës.
Rusia është shumë e varur nga eksportet e saj të naftës për të financuar fushatën e saj në Ukrainë dhe ka vepruar së bashku me Arabinë Saudite për të ulur furnizimet dhe për të rritur çmimet.
Andaj, paqëndrueshmëria në Lindjen e Mesme, rajoni kryesor i prodhimit të naftës në botë, mund të rrisë më tej çmimet.
“Ndërsa çmimet e naftës rriten, kjo u mundëson atyre të vazhdojnë shpenzimet për prodhimin e armëve dhe gjithashtu i ndihmon ata të mbulojnë disa deficite buxhetore”, i tha Bloomberg, Ann Marie Dailey, një studiuese e politikave në Rand Corporation. “Rusia absolutisht fiton një avantazh nga kjo në afat të shkurtër”.
Përfitimet diplomatike
Rusia kishte një prani periferike në Lindjen e Mesme pas rënies së Bashkimit Sovjetik.
Por në dekadat e fundit, Putini ka rikthyer ndikimin rus në rajon, duke krijuar lidhje të ngushta me Iranin, duke ndërhyrë në luftën civile siriane për të ndihmuar në mbështetjen e diktaturës së Bashar al-Asad dhe duke kultivuar lidhje me rivalët e tyre.
Putin gjithashtu ka marrëdhënie miqësore me të dyja palët e konfliktit Izrael-Palestinë.
Kryeministri izraelit Benjamin Netanyahu ka refuzuar të kritikojë pushtimin rus të Ukrainës dhe zyrtarët rusë muajt e fundit janë takuar me delegacione nga Hamasi, të cilin ai nuk e cilëson si grup terrorist.
Kjo e vendos Rusinë në një pozicion unik për të pasur marrëdhënie të mira me qeveritë e armiqve të paepur rajonalë.
Por përpjekjet e Rusisë për të luajtur si ndërmjetësin e paqes nuk kanë gjasa të jenë të sinqerta, me Arkadi Doubnov, një ekspert me bazë në Moskë për politikën e jashtme ruse, duke i thënë Le Monde se dukej se ishte pjesë e një dredhie për të fajësuar SHBA-në për krizën.
Por Dover, eksperti i Universitetit Hull, beson se nëse Rusia do të ndërmjetësonte bisedimet, ajo mund të rriste “besueshmërinë e saj ndërkombëtare”.
“Arritja për të ndërmjetësuar një formë të de-përshkallëzimit e sjell Rusinë pak më afër me rrjedhën kryesore të marrëdhënieve ndërkombëtare dhe e lejon atë të bëjë një pretendim – që do të pritej shumë mirë në Indi, Afrikën e Jugut, Kinë, e kështu me radhë – që është një aktor pozitiv dhe i angazhuar në sistemin ndërkombëtar”, tha ai për Business Insider.
Veç këtyre, Rusia ka kërkuar të përdorë shpërthimin e dhunës për të dëmtuar Ukrainën, duke e akuzuar pa bazë për furnizim me armë për militantët e Hamasit. /Telegrafi/
Lufta Prigozhin - Putin
Më shumëVala e të nxehtit kërcënon mbi 130 milionë njerëz në SHBA
Hamasi heq dorë nga kërkesa kyçe, hapet rruga për armëpushim në Gazë
Shefi i marinës së Ukrainës thotë se Rusia po humbet qendrën e Krimesë në Detin e Zi
Putin ia paraqiti Orbanit planin me kushte të paqes Ukrainë-Rusi
Zelensky zbulon planet e Ukrainës për rritjen e kapacitetit të mbrojtjes
Vuçiq mendon se zgjedhja e estonezes Kaja Kallas “do ta bëjë Rusinë edhe më agresive” ndaj Perëndimit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Notat e lojtarëve, Portugali 0-0 Francë: Dembele dhe Maignan më të mirët, Ronaldo lamtumirë me paraqitje të dobët
A ishte penallti prekja me dorë e Marc Cucurellas që nuk u akordua nga gjyqtari?
Tifozët dalluan një detaj të çmendur në festën e golit të Mikel Merinos
Mori një goditje të rëndë nga Kroos, mësohet shkalla e lëndimit të Pedrit
Policia jep detaje për vrasjen e sotme në Tetovë
Ponosh: Vuçiq praktikisht e ka njohur Kosovën