Gjykata Supreme e Kosovës po i kryen rastet që i ka në punë pa kurrfarë pengese, pa gjyqtarët e EULEX-it, misionit më të madh të sundimit të ligjit të Bashkimit Evropian (BE).
Kryetari i Gjykatës Supreme, Enver Peci ka thënë se ky mision ka stërzgjatur procedura, madje sipas tij, nganjëherë edhe nuk kanë bashkëpunuar.
“Kurrfarë pengese, ndoshta jemi më efikase dhe më mirë duke i trajtuar më shpejtë rastet sesa që i ka kryer EULEX-i, te na në Supreme jemi shumë më përpara se sa kanë qenë me EULEX-in në përfundimin e rasteve, kështu statistikat flasin”.
“Konsideroj se ata kanë stërzgjatur procedura, nganjëherë nuk kanë bashkëpunuar sa duhet se qëllimi ka qenë me punuar bashkë, në vazhdimësi ka qenë ndarja e gjyqtarëve të EULEX-it, gjyqtarëve vendorë që nuk ka qenë ndonjë koncept prej fillimit, për shkak se dy-tri vitet e fundit të gjithë gjyqtarët e EULEX-it kanë qenë të konfirmuar prej presidentit të shtetit si gjyqtarë. Këtu dhe ideja ka qenë me punuar bashkë. Megjithatë ka pas kontradikta, dilema”, tha Peci, për Ekonomia Online.
Kreu i Supremes pret që vendorët të tregojnë rezultatet, duke filluar prej hetimeve dhe akuzave kualitative.
“Po shpresoj se vendorët tash e kanë në dorë është pak kohë e shkurtër 1 vjeçare me treguar rezultate shumë të prekshme për shkak se një rast gjyqësorë duhet me filluar prej fillimit, prej hetimeve kualitative, aktakuza kualitative, prova të mira në mënyrë që me pas sukses deri në fund, kështu që një hallk me dështuar diku atëherë edhe suksesi i një rasti ka me dështuar deri në fund”.
Peci thotë se po mungojnë rezultatet konkrete te rastet e korrupsionit, ngase të akuzuarit nuk po marrin dënimin e merituar.
Në 27 raste të korrupsionit kjo gjykatë ka sugjeruar te gjykatat tjera ngase nuk i kanë aplikuar dispozitat e matjes së dënimit.
“Rezultate konkrete ka pak, për shkak se ata që po shpallen fajtorë nuk po marrin dënimin e merituar, bindja ime. Si Gjykatë Supreme na kemi miratuar një udhëzues për politikë ndëshkimore, e kemi bërë një analizë të rasteve të korrupsionit 27 rasteve, i kam sugjeruar gjykatave për shkak se nuk i kanë aplikuar dispozitat e matjes së dënimin, rrethanat lehtësuese, rënduese dhe po shpresoj që edhe me aprovimin e Kodit të ri Penal, janë ashpërsuar shumë dënimet”.
Me Ligjin e ri për Dhomën e Posaçme të Gjykatës Supreme, ai ka marrë kompetenca shtesë duke trashëguar edhe 22 mijë lëndë të papërfunduara.
“Me Ligjin e ri për Dhomën e Posaçme të Gjykatës Supreme unë kam me marrë përgjegjësi edhe për atë dhomë për shkak se nuk u parapa kryetari i Gjykatës deri tash ka ekzistuar kryetari i Dhomës së Posaçme që ka raportuar në Këshill Gjyqësor edhe unë si kryetar nuk kam qenë përgjegjës për atë Gjykatë. Me ndryshimet e fundit ata i kanë prur rreth 22 mijë raste të papërfunduara. Ka numër jo të mjaftueshëm të gjyqtarëve edhe pse është shpallur një konkurs prej Këshillit Gjyqësor të Kosovës”, tha ai.
Por angazhimi i gjyqtarëve për Dhomën po del të jetë problem, ngase ata nuk janë të interesuar që të jenë pjesë e saj për shkak të mungesë së përvojës, ngase Dhoma merret vetëm me rastet e Agjencisë Kosovare të Privatizimit (AKP).
“Thash që jemi duke i trajtuar rastet e viti 2019, ndërsa Dhomën e Posaçme u shpallë konkursi për 9 gjyqtarë, është specifikë për atë Gjykatë për shkak se nuk don me shku kandidat me punuar në atë Gjykatë se është me çështjen e privatizimit edhe nuk kanë përvojë kështu të duhur. Herën e parë kur është shpallur konkursi për 7 pozita kanë konkurruar vetëm 4 kandidatë, kështu që kemi vështirësi me i plotësuar numrin gjyqtarëve në atë Gjykatë. Në anën tjetër duhet me shtuar stafin mbështetës”.
Ai thotë se gjyqtari në punën e tij sipas dispozitave është i pavarur dhe i paanshëm, por duke marrë për bazë se Kosova është shtet i vogël mund edhe të haset në ndikime nga jashtë.
Lufta Prigozhin - Putin
Më shumëNga Rubrika
Aktivistja Blenda Asllani e quan ‘të kundërligjshëm’ vendimin e rektorit të UP-së për pezullimin e profesorit Krasniqi
Detaje nga aksidenti në Çair, janë lënduar dy persona – njëri ka përfunduar në urgjencë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre