Pas konfirmimit të aktakuzës, Rama: Thaçi ka gjithë mbështetjen e Shqipërisë

Kryeministri i Shqipërisë, Edi Rama ka reaguar ndaj aktakuzës së konfirmuar ndaj presidentit tani më i dorëhequr Hashim Thaçi.

Rama në Twitter ka shkruar se Thaçi ka gjithë solidaritetin e Shqipërisë në këtë betejë të radhës për Kosovën.

“Hashim Thaçi ka gjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacenueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj”, ka shkruar Rama, përcjell Telegrafi.

Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj🇦🇱🇽🇰

— Edi Rama (@ediramaal) November 5, 2020

Presidenti Thaçi në një konferencë për media ka bërë të ditur se, Gjykata Speciale ka konfirmuar aktakuzën ndaj tij.

Kujtojmë se, më 24 qershor, Zyra e Prokurorit të Specializuar, ka njoftuar se më 24 prill u ka dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti Thaçi, kryetari i Partisë Demokratike të Kosovës, Kadri Veseli dhe të tjerë, akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura. /Telegrafi/