Para se t’i bashkohej Barcelonës, Ansu Fati ishte në prova te gjiganti evropian

Sulmuesi i Barcelonës, Ansu Fati, ka zbuluar se ka pasur prova me Real Madridin përpara se të nënshkruante për gjigantët katalanas si i ri, por mungesa e një rezidence për lojtarët e rinj e pengoi atë të bashkohej me klubin.

Fati kishte mbërritur në Spanjë në moshën shtatë vjeçare nga Guinea-Bissau pas babait të tij, Bori, përpara se të luante për një ekip lokal në Herrera ndërsa stërvitej çdo javë me Sevillan.

20-vjeçari tha për L’Equipe se ai kishte marrë pjesë në garat e futsalit ku ndoqën skuadrat e La Ligës, gjë që kishte çuar në një provë me Real Madridin.

Fati dhe babai i tij vendosën që Barcelona ishte ‘opsioni më i mirë’, për shkak se Real Madridi nuk kishte një rezidencë për lojtarët e rinj në terrenin e tyre të stërvitjes Valdebebas në atë kohë.

“Para se të nënshkruaja për Barçën, kisha një provë në Real Madrid”, deklaroi Fati. “Në atë kohë, ata nuk kishin një vendbanim për lojtarët e tyre të rinj”.

“Për këtë arsye, ne vendosëm që La Masia ishte alternativa më e mirë. Më kujtohet që pashë La Masia në sfond, pak para se të mbërrija. Sa më shumë afroheshim, aq më shumë ndihesha nervoz”.

“Në fillim nuk isha i sigurt se doja të vija dhe pas një jave nuk doja të largohesha”, ka shtuar më tej ai.

Fati nënshkroi për Barcelonën në vitin 2012 si 10-vjeçar, duke iu bashkuar vëllait të tij më të madh Braima në La Masia. /Telegrafi/