Okan Buruk vazhdon të flet për Rashicën: Është prioriteti numër një i yni, jemi në pritje të tij

Milot Rashica ka filluar stërvitjet me skuadrën e tij Norwich City pas një viti si i huazuar te Galatasaray.

Megjithatë skuadra angleze nuk e ka në plane kosovarin, por as qëllimi i Rashicës nuk është të mbetet në Angli.

Galatasaray po insiston për rikthimin e Milot Rashicës në Stamboll dhe dëshira e futbollistit gjithashtu është e njëjtë pas një viti shumë të suksesshëm.

Lexo po ashtu Norwich dhe Galatasaray arrijnë marrëveshje për Milot Rashicën

Reprezentuesi kosovar i ka bërë me dije drejtuesve të klubit anglez se dëshiron vetëm Galatasarayn dhe dy klubet janë në negociata.

Kampioni në fuqi i Turqisë ka ofruar tetë milionë euro për Rashicën, derisa Norwich insiston të fitoj 12 sosh nga shitja e tij.

Trajneri i Galatasaray, Okan Buruk ka folur për të ardhmen e kosovarit, duke thënë se prioriteti i tyre është të nënshkruajnë me Milotin.

Lexo po ashtu 'Luftë' mes Galatasarayt dhe Fenerbahces për shërbimet e Milot Rashicës

“Prioriteti ynë për sulmues krahu është vetëm Milot Rashica. Ne jemi duke pritur negociatat dhe jemi në pritje të Milotit të na bashkohet”, ka deklaruar Buruk.

“Ai ka bërë punë të mirë te ne edicionin e kaluar dhe duam ta kemi sërish në radhët tona. Po presim dhe të shohim, por mund të them se Rashica është prioriteti numër një i yni”, deklaroi Buruk. /Telegrafi/