Nokia do të pozicionohet si prodhuesi më i lirë i telefonave të thjeshtë

Nokia është e vendosur për të treguar se asnjë kompani tjetër rivale nuk mund të prodhojë telefona më të lirë mobil se sa lideri i dikurshëm global i prodhimit të telefonave.

Bloomberg raporton se Nokia është duke u përgatitur të prodhojë një model tejet të lirë të telefonit, për tu përballur me rivalët e saj, të cilët gjithnjë e më shumë po synojnë tregjet në zhvillim. Modeli i saj i telefonit të lirë nuk do të kushtojë më shtrenjtë se 20 dollarë, thotë Bloomberg.

Nokia 105 përfshin specifika interesante të një telefoni me një çmim të tillë, pasi që i njëjti vjen me lojëra të para-instaluara në telefon, ekranin me ngjyra, radio, orë me zë, dhe ndriçues. Ky model tashmë është vënë në shitje në shtetet e mëdha si Indi dhe Indonezi.

Në të ardhmen e afërt, Nokia planifikon të debutojë me modelin 105 edhe në Evropë. Bloomberg ka vërejtur se biznesi i Nokia’s me telefonat e lirë është nën presionin intensiv në shumë tregje kohët e fundit, nga një konkurrencë e cila nuk vjen vetëm nga Samsung, por edhe nga prodhuesit e mëdhenj kinez si Huawei dhe ZTE, të cilët gjithashtu janë të vendosur për t’u bërë lojtarë të rëndësishëm në tregjet në zhvillim. / Telegrafi /