Nga mbi 51.000 të vdekurit nga COVID-19, vetëm 640 persona kanë qenë të vaksinuar plotësisht në Angli

Në Angli, në gjashtë muajt e fundit kanë vdekur më pak se 700 persona të prekur nga COVID-19, të cilët ishin të vaksinuar me dy doza të vaksinës.

Sipas mediave britanike, përcjell Telegrafi, nga 51,281 njerëzit që vdiqën me virusin midis 2 janarit dhe 2 korrikut, rreth 38,964 ishin të pavaksinuar, ndërsa një pjesë e vogël kishin marrë dy doza të vaksinës.

Gjatë periudhës, e cila përfshin fazat e hershme të përhapjes së vaksinës, vetëm 640 persona me dozë të dyfishtë vdiqën nga Covid-19, tha Zyra për Statistikat Kombëtare (ONS) të hënën në mëngjes.

Age-standardised mortality rates for deaths involving #COVID19 are consistently lower for people who have received two vaccinations https://t.co/EkaAS1MNTT pic.twitter.com/3EpkfaNsOl

— Office for National Statistics (ONS) (@ONS) September 13, 2021

Kjo përfaqëson 1.25% të vdekjeve nga Covid-19 në gjashtë muajt e parë të 2021.

Dhe vetëm 256 prej tyre ishin në mesin e njerëzve të infektuar më shumë se dy javë pas dozës së dytë.

Siç është thënë deri më tani, duhen dy javë që mbrojtja e plotë të fillojë pas dozës së dytë të vaksinës.

Kështu, shifrat shtojnë dëshmi se vaksinat ulin në mënyrë dramatike rrezikun e vdekjes me këtë sëmundje. /Telegrafi/