“Neymari le të luajë vet”, Rabiot i frustruar me brazilianin pasi kërkoi ngritje page

Ylli i PSG-së, Adrien Rabiot, hapur ka shprehur frustrimin e tij me situatën e Neymarit te kampioni francez.

Bashkëjetesa në PSG ka qenë shumë e vështirë këtë sezon, dhe një rritje potenciale e pagës së Neymarit vetëm sa ka thelluar hendekun mes brazilianit dhe bashkëlojtarëve të tij.

Tensionet në zhveshtore janë në kulmin e tyre, përkundër faktit se PSG ka fituar tripletën e trofeve.

Sipas Liberation, një tjetër sugjerim nga babai i Neymarit ka futur në telashe pjestarë të skuadrës.

Babai i futbollistit brazilian informoi presidentin Nasser Al Khelaifi se djali i tij nuk dëshiron të mbetet në klub, por se më parë ka propozuar rinovimin e lojtarit që do të parashihte një ngritje të konsiderueshme të pagës.

Marquinhos këtë e ka treguar te Adrien Rabiot në një stërvitje dhe francezi nuk e mori shtruar këtë informacion.

Rabiot, kontrata e të cilit mbaron në qershor të vitit 2019 po ashtu është thirrur në negociata urgjente.

Hidhërimi i tij ishte evident pasi ka thënë para bashklojtarëve të tij fraza si “Gjithçka është vetëm për Neymarin” dhe “ai duhet të luajë vetëm vet”.

Por, kjo nuk përfundoi këtu.

Kur problemi u ngrit në grupin e WhatsAppit që e kanë lojtarët e PSG-së, Rabiot mori përkrahje nga bashkëlojtarët e tij francezë. /Telegrafi/