Një ndër dukuritë e cila shfaqet shpesh tek ushtruesit e bodibildingut është ndezja e muskujve. Këtë dukuri disa e quajnë edhe lodhje të muskujve.
Idriz Humolli,
www.fitness-prishtina.com
Ndezja e muskujve manifestohet me dhimbjet në muskuj të cilat vërehen – ndihen disa orë pas ndërprerjes së trenazhit ose zakonisht ditën e nesërme. Dhimbjet e muskujve vërehen sidomos gjatë lëvizjeve dhe me rastin e prekjes apo shtypjes. Pas nxehjes dhe përgatitjes paraprake për trenazh, dhimbjet zvogëlohen e në të shumtën e rasteve plotësisht pushojnë dhe nuk e pengojnë trenazhin i cili pason. Zakonisht kjo dukuri – ndezja e muskujve paraqitet në fillim të trenazhit edhe atë më tepër manifestohet tek individët të cilët nuk kanë pasur kurrfarë aktiviteti paraprak fizik, pastaj tek ushtruesit të cilët trenazhin e vazhdojnë me intensitet më të lartë pas ndërprerjes më të gjatë të ushtrimeve.
Ndezja e muskujve mund të paraqitet edhe te ushtruesit që gjenden në formën e plotë sportive sidomos atëherë kur në programin e trenazhit të tyre inkuadrojnë apo përfshijnë ushtrime të tipit tjetër që angazhojnë grupe tjera të muskujve ose me këtë rast muskujt goditen dhe stimulohen nga këndi tjetër, pastaj gjatë rritjes së përnjëhershme të peshës me të cilën ekzekutohet ushtrimi, numrit të serive apo përsëritjeve, ose kur ushtruesi aktiv njëkohësisht fillon të merret edhe me ndonjë sport tjetër plotësues i cili në mënyrë tjetër angazhon dhe stimulon muskulaturën. Pa marrë parasysh se cila do të jetë arsyeja e paraqitjes së ndezjes së muskujve, trenazhi nuk duhet të ndërpritet plotësisht. Nëse lodhja e muskujve apo ndezja e tyre ndihet në shumicën e grupeve të muskujve, ndërsa intensiteti i ndezjes nuk është i lartë (shkalla dhe intensiteti i ndezjes së muskujve duhet të vlerësohet realisht nga vet individi), atëherë preferohet që trenazhi të vazhdohet me intensitet mjaftë të ulët dhe ushtrimet në trenazh të përfshijnë angazhimin e pothuaj të gjitha grupeve të muskujve.
Në qoftë se ndezja paraqitet në njërën apo dy grupet e muskujve për shembull gjoks dhe biceps, atëherë trenazhi mund të vazhdohet (natyrisht nëse ndezja është e intensitetit të vogël) pas nxehjes dhe përgatitjes paraprake të muskujve duke ushtruar grupe tjera të muskujve që kanë mundësi të zhvillohen pa pengesa duke mos angazhuar grupe të muskujve te të cilat ndihet ndezja. Në shembullin tonë në këtë rast mund të zhvillohet trenazhi i dedikuar muskujve të këmbëve dhe barkut. Me qëllim që ndezja e muskujve të pushojë sa më parë ushtruesi duhet të nxehë sa më tepër muskujt në përgjithësi, të bëjë larjen e trupit me ujë të nxehtë dhe masazhin e muskujve.
Ata të cilët për herë të parë hyjnë në ushtrimore dhe ditën e parë bëjnë angazhim dhe ngarkesë më të madhe të muskujve, rrallë herë mund t’i shmangën ndezjes së muskujve, megjithatë kjo dukuri nuk duhet t’i brengosë aspak edhe pse në praktikë hasim rastet e brengosjes serioze natyrisht të paarsyeshme, sepse kjo dukuri – ndezje e muskujve është vetëm një lloj manifestimi i punës dhe angazhimit muskulor e cila dëshmon aktivitetin paraprak tejet të vogël apo të pamjaftueshëm e në shumicën e rasteve edhe joaktivitetin total. Ushtruesit që një kohë të gjatë merren pa ndërprerje me bodibilding shfaqjen e herë pas hershme të ndezjes së muskujve apo dhimbjes së tyre e vlerësojnë dhe e karakterizojnë si pozitive duke pohuar se trenazhi paraprak ishte i qëlluar, i suksesshëm dhe produktiv. Në kuadër të këtij konstatimi mund të gjenden vlerësime pozitive të pranuara megjithatë me këtë konstatim të tillë mund të pajtohemi vetëm pjesërisht.
Njëri ndër parakushtet kryesore për pengimin dhe evitimin e ndezjes dhe dhimbjes së muskujve është të nxehurit e gjithanshëm dhe parapërgatitja e muskujve për trenazh si dhe përshtatja e ushtrimeve, peshës me të cilën ekzekutohet ushtrimi i caktuar numri i serive, përsëritjet në kuadër të serisë dhe i tërë intensitetit të përgjithshëm, e sidomos përshtatja e tij mundësive reale, momentale dhe individuale. Meqenëse çdo herë kur paraqitet ndezja e muskujve pa marrë parasysh shkallën dhe intensitetin duhet ditur se gjatë tërë kohës kur zgjatë kjo, muskujt nuk janë mjaftë elastike, prandaj ekziston mundësia shumë më e madhe për lëndimin eventual të muskujve. /Telegrafi/
Lufta Prigozhin - Putin
Më shumëPse trajneri Arbër Peci këshillon të mos vrapojmë?
Top pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Harrojini bisedat e pista! Shprehjet e fytyrës janë më efektive për të përcjellë atë që dëshironi gjatë seksit
Këta janë zogjtë më të bukur në botë: Hipnotizojnë me ngjyrat e tyre joreale
Pesë gjuhët e seksit – cila është gjuha që flet partneri yt?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre