Modric: Kemi respekt për Juventusin

Mesfushori i Real Madridit, Luka Modric, ka thënë se ka respekt për Juventusin, duke shtuar se skuadra e tij ka më shumë gjasa të kalojë tutje nëse Cristiano Ronaldo është në formë.

Los Merengues do ta luajnë ndeshjen e parë në Torino, ndërsa takohen me Zonjën e Vjetër menjëherë pas finales ku fituan 4-1.

“Unë mendoj se është një gjë pozitive që kundështarët kanë opinion pozitiv për ne”.

“Kjo do të thotë se ata kanë respekt të madh për ne. Ne kemi respekt për Juventusin gjithashtu, ata janë një ekip i madh me lojtarë të mëdhenj. Pra, ka respekt të ndërsjellë”.

Ronaldo ka 18 gola dhe ka dhënë tri asistime në 10 ndeshjet e fundit dhe Modric thotë se me të në fushë gjasat janë më të mëdha.

“Ai ka shumë besim në vetvete. Është e rëndësishme që ta kemi tani në formën që është”.

“Me të në formë kemi më shumë gjasa”.

“Gareth Bale? Ky sezon ka qenë i vështirë për të, për shkak të lëndimeve që po vuan, por tani ai është në gjendje të mirë, ai ka arritur të luajë disa ndeshje në vazhdimësi”.

“Ne e dimë se çfarë mund të presim nga ai në aspektin e paraqitjes, jemi të gjithë të vetëdijshëm për cilësitë e tij të mëdha”, ka thënë Modric në konferencë për shtyp. /Telegrafi/