LAJMI I FUNDIT:

Ministri Maqedonci tregon se cili ishte synimi i grupit terrorist që sulmoi policinë në Banjskë

Ministri Maqedonci tregon se cili ishte synimi i grupit terrorist që sulmoi policinë në Banjskë

Ministri i Mbrojtjes, Ejup Maqedonci, ka analizuar aksionin e grupit terrorist që sulmoi Policinë e Kosovës në Banjskë të Zveçanit më 24 shtator.

Ai në një intervistë për emisionin “Kallxo Përnime” ka thënë se vlerëson që Banjska ka qenë vetëm nisma e shpërndarjes së trupave të këtij grupi në terren.

“Kapja e terrenit ishte synimi apo qëllimi kryesor i grupit terrorist që sulmoi Policinë e Kosovës në Banjskë të Zveçanit, pra vendosja e pozicioneve të luftimit. Ky është një pushtim i pjesshëm i kapjes së anës veriore të vendit nga ana e tyre” , ka deklaruar Maqedonci.


Ministri tutje ka shpjeguar arsyet e dështimit të Milan Radoiçiqit dhe grupit të tij.

Reduktohet prania e Njësisë Speciale në Banjskë, ulet niveli i rrezikshmërisë
Lexo po ashtu Reduktohet prania e Njësisë Speciale në Banjskë, ulet niveli i rrezikshmërisë

Sipas tij, grupi terrorist nuk e ka kalkuluar siç duhet situatën dhe perceptimi në atë se çka e pret ka qenë i gabuar.

“Grupi terrorist ka dështuar për shkak të një gabimi që ata e kanë bërë në aspektin e reagimit në kontakt me patrullën e Policisë së Kosovës, pasi shpeshherë gabimet vijnë nga kalkulimet e gabuara dhe perceptimit të gabuar. Mendoj që ata kur janë futur në Kosovë kanë vlerësuar që Policia e Kosovës nuk do të ketë kapacitetin të paktën me këto patrullat dhe me ekipe të vogla që t’i bëjë rezistencë apo t’i pengojë lëvizjet e tyre, është pra kalkulim i gabuar nga ana e tyre”, ka thënë ministri Maqedonci.

Ai ka vlerësuar gjithashtu nga këndvështrimi ushtarak se ata e kanë kalkuluar keq edhe momentin e ‘reagimit në kontakt’.

“Vlerësoj që Banjska ka qenë njëra nga nismat e para në terren për shpërndarjen e trupave”, është shprehur Maqedonci.

Ministri gjithashtu ka thënë se grupi terrorist në Banjskë nuk e ka konsideruar mundësinë që do të hasin në një patrullë të Policisë.

“Aq më pak që Policia do të bëjë një rezistencë, por gjithashtu vlerësoj që nuk kanë menduar që do të ketë një polic të rënë në detyrë”, ka shtuar ministri Maqedonci.

Më 24 shtator 2023 një sulm terrorist u krye në Banjskë të Zveçanit.

Arsenal armësh e pamje nga ushtrimet e grupit terrorist në pronën e Radoiçiqit - të gjitha dëshmitë e siguruara deri më tani nga shteti i Kosovës
Lexo po ashtu Arsenal armësh e pamje nga ushtrimet e grupit terrorist në pronën e Radoiçiqit - të gjitha dëshmitë e siguruara deri më tani nga shteti i Kosovës

Afrim Bunjaku, rreshter i Policisë së Kosovës, u vra, një polic tjetër u plagos e një tjetër u lëndua nga ky sulm, ndërsa Policia u sulmua disa herë radhazi nga grupi terrorist deri sa këta të fundit ikën në drejtim të Serbisë.

Në ditën kritike Policia sekuestroi 24 automjete, dy autoblinda e arsenal të madh armatimi luftarak që i kishte grupi terrorist.

Sekuestrimi i armëve të tjera po vazhdon që nga 24 shtatori, të cilat janë braktisur nga grupi terrorist në Banjskë dhe në zonën përreth.

Tre persona nga ky grup u vranë e disa të tjerë u arrestuan. Trupat e tre të vrarëve iu dorëzuan më 30 shtator 2023 familjarëve të tyre, pas përfundimit të procedurave të nevojshme nga organet kompetente.

Është ish-nënkryetari i Listës Serbe – partia më e madhe e serbëve në Kosovë që ka edhe mbështetjen e Qeverisë serbe – Milan Radoiçiq, i cili ka marrë përgjegjësinë për sulmin ndërsa ka dhënë dorëheqje nga posti në partinë që i përkiste.

Radoiçiq tha se të gjithë skenarin e kishte bërë vet dhe askujt nuk i kishte treguar. Këto pretendime i njëjti i bëri përmes një letre të cilën e lexoi të premten pasdite avokati i tij i autorizuar, Goran Petronijeviq.

Sulmin terrorist të 24 shtatorit e dënuan ashpër edhe ndërkombëtarët.

Në trend Lajme

Më shumë
Dalin pamjet e momentit të aksidentit ku humbën jetën dy vajzat e reja nga komuna e Kamenicës

Dalin pamjet e momentit të aksidentit ku humbën jetën dy vajzat e reja nga komuna e Kamenicës

Lajme
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Lajme
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Lajme
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Lajme
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Kalo në kategori