Messi i goditi me shumë deklarata – kryetari dhe bordi i Barcelonës në heshtje

Asnjë anëtari i bordit të Barcelonës nuk iu është përgjigjur publikisht deklaratave të bëra nga Lionel Messi të premten.

Argjentinasi njoftoi se ai do të qëndrojë në Barcelonë deri në sezonin e ardhshëm dhe reagimi i vetëm i klubit ishte të publikonte një citim nga intervista në rrjetet sociale, pjesë ku ai shprehu dashurinë e tij për klubin.

Ky ka qenë reagimi i vetëm i klubit.

Disa nga deklaratat e Messit të dhënë për “Goal.com” ishin të ashpra, duke goditur më së shumti bordin.

Presidenti i klubit Josep Maria Bartomeu nuk ka folur në publik që nga intervista, pasi hera e fundit kur ishte i pranishëm, ndodhi në konferencën lamtumirëse të Ivan Rakitic.

Me fjalët e Messit u ndan të kënaqur opozita e klubit, që po vazhdojnë të mbledhin nënshkrime për të kryer një mocion mosbesimi dhe që po përgatiten për zgjedhjet e ardhshme presidenciale.

Ata janë të vetëdijshëm që imazhi i Bartomeu është dëmtuar shumë nga saga me Messin dhe janë të gatshëm të përfitojnë prej saj. /Telegrafi/