Mediat katalunase sulmojnë Ronaldon, rinovoi pasi është në pikën më të dobët të karrierës

Përballja planetare Messi-Ronaldo po zhvillohet më shumë në Spanjë, ku media është përfshirë shumë në orët e fundit.

Avantazhi që ka portugezi, falë fitimit të Ligws sw Kmapionwve dhe kampion i Evropës me Portugalinë, kanë bërë që në orët e fundit shumë prej mediave, veçanërisht ato katanalase të sulmojnë yllin e Realit.

Mjafton të shikosh titullin kryesor të përditshmes katalanase “Sport”, e cila nuk është kursyer duke shkruar se Ronaldo, “Nuk e meriton!” dhe për këtë ka shumë shpjegime.

“Rinovimi i kontratës është një fushatë publicitare për ta shtyrë atë drejt titullit ‘Top i Artë’. Superparaqitja e Messit në ndeshjen me Sevillan është kundërpërgjigja për momentin më të keq të karrierës së portugezit”.

Jo më pak e butë ka qenë edhe përditshmja tjetër e Barcelonës, ‘El Mundo Deportivo’: “Më i miri dhe pikë”. Këtu luhet më shumë çmimi që FIFA do të japë në janar. Dhe më tej jepen edhe 10 motivet pse duhet të votohet Messi dhe jo Ronaldo.

Në faktet që rendit El Mundo Deportivo është se këtë vit Messi ka shënuar më shumë, nuk bën vetëm gola por jep edhe asistime, pëlqehet nga e gjithë bota. Ka raport të shkëlqyer me shokët, është vendimtar në ndeshje, nuk reagon keq si Ronaldo, etj.