Lista e ngjarjeve që dihen deri tani, në ditën e pestë të agresionit rus në Ukrainë

Bisedimet midis Ukrainës dhe Rusisë do të fillojnë të hënën në mëngjes pranë kufirit me Bjellorusinë, me presidentin ukrainas Volodymyr Zelensky duke thënë se 24 orët e ardhshme janë “vendimtare”.

Në anën tjetër, forcat ruse kanë bërë presion në Ukrainë nga veriu, lindja dhe jugu që nga fillimi i pushtimit që filloi javën e kaluar.

Por çfarë është raportuar sot, së paku deri më tani?

Më poshtë janë momentet kryesore nga e hëna, 28 shkurt, dita e pestë e pushtimit rus të Ukrainës:

Shpërthime në Kiev

Sipas Al Jazeera, përcjell Telegrafi, shpërthime u dëgjuan në kryeqytetin e Ukrainës, Kyiv dhe në qytetin e dytë më të madh Kharkiv në mëngjes, thanë zyrtarët ukrainas, ndërsa një ndërtesë banimi në qytetin Chernihiv në veri të Ukrainës ishte në flakë pasi u godit nga një raketë.

Ukraina thotë se trupat ruse “ulën ritmin”

Ushtria ukrainase tha se trupat ruse kishin ngadalësuar “ritmin e ofensivës”.

Vendi i bisedimeve është ‘gati’

Bjellorusia tha se kishte përgatitur vendin për bisedimet e pritshme midis delegacioneve nga Ukraina dhe Rusia.

“Pritet ardhja e delegacioneve”, tha ministria e jashtme e Bjellorusisë në mediat sociale, duke publikuar një foto të një tavoline të gjatë me flamuj rusë dhe ukrainas.

“Vuajtjet e Bankës Qendrore të Rusisë”

Banka Qendrore e Rusisë njoftoi një sërë masash për të mbështetur tregjet e brendshme ndërsa përpiqej të menaxhonte pasojat nga sanksionet.

Vatikani thotë se është gati për të ndihmuar

Vatikani është i gatshëm të “lehtësojë dialogun” midis Rusisë dhe Ukrainës për t’i dhënë fund luftës, tha kryediplomati i tij. /Telegrafi/