LG nesër prezanton modelin G2

Nesër, LG do të mbajë një konferencë për media për të zbuluar modelin e saj më të ri të telefonit të mençur në Android, modelin LG G2.

Dhe tani, sipas disa burimeve të besueshme të informacionit thuhet se modeli më i ri i telefonit të LG, G2 prej javës së ardhshme do të fillojë të shitet në Korenë e Jugut, për tu pasuar më pas edhe me vendet tjera aziatike, dhe ato jashtë kontinentit.

Sipas Android Community, LG G2, nga data 8 gusht LG G2 do të ofrohet për blerësit në Korenë e Jugut, dhe kësaj radhe telefoni do të ofrohet me dëgjueset e LG’së, QuadBeat 2.

Nga ajo që është thënë më herët, LG G2 do të ofrohet me disa karakteristika të avancuara të cilat do të përfshijnë ekranin e ndjeshëm në prekje me diagonale prej 5.2 inç në full HD dhe rezolucion prej 1920 x 1080 pikselëve, si dhe procesorin quad core Qualcomm Snapdragon 800 me 2.3GHz.

Karakteristikat tjera të LG G2 do të përfshijnë edhe 2GB RAM, Adreno 320 GPU, kamerën e pasme me 13 mega-piksel dhe Android 4.2.2 Jelly Bean. / Telegrafi /