Kylian Mbappe ka filluar sërish të kërkojë largimin nga PSG dhe kalimin te Real Madridi

Kylian Mbappe zgjati kontratën me PSG-në verën e kaluar dhe më pas u bë futbollisti më i paguar i të gjitha kohërave.

Gjysmë viti më vonë, Mbappe dëshiron të largohet sërish nga PSG, shkruan The Athletic. Plani i Mbappes është të largohet nga PSG për te Real Madridi.

Megjithatë, kjo nuk ka gjasa të ndodhë këtë verë pasi klubi madrilen do të duhet të paguajë një kompensim të madh për sulmuesin 24-vjeçar, ndërsa ata mund ta marrin atë falas në verën e vitit 2024.

Mbappe, golashënuesi më i mirë në Botërorin e kaluar, këtë sezon ka shënuar 25 gola në 26 paraqitje për PSG-në.

Në kontratën e Mbappes me PSG-në, ekziston një opsion për vazhdimin e kontratës deri në vitin 2025, por vetë Mbappe duhet të pajtohet me këtë opsion.

🚨🎖| Kylian Mbappé 🇫🇷 veut QUITTER le PSG et rejoindre le Real Madrid. ✅

❌ Un transfert est peu probable en 2023.

⌛️Il pourrait arriver en 2024 comme joueur libre, s'il n'active pas l'année supplémentaire sur son contrat.@MarioCortegana @GuillerRai #RealMadrid pic.twitter.com/LWbgmKAVtO

— RMadrid actu 🇫🇷 (@RMadrid_actu) February 10, 2023

The Athletic shkruan se Mbappe nuk do të aktivizojë opsionin e përmendur, por do të përmbushë ëndrrën e tij të fëmijërisë dhe do të luajë për klubin madrilen.

Deri atëherë, sulmi i Realit do të drejtohet nga bashkatdhetari i Mbappes, Karim Benzema, 35-vjeçari i cili së shpejti do të vazhdojë kontratën me madrilenët edhe për një vit.

🚨🌕| Real Madrid are keeping a close eye on Mbappé’s situation, but it’s unlikely he’ll leave PSG this summer. @MarioCortegana @GuillerRai @TheAthleticFC

— Madrid Zone (@theMadridZone) February 10, 2023

Real Madridi po ëndërron gjithashtu të sjellë Erling Haaland nga Manchester City, pasi kampioni anglez është nën hetim për shkelje të rregullave financiare./Telegrafi/