Janë bërë më shumë se dy vjet e gjysmë nga mbajtja e Konferencës së Donatorëve në Bruksel, ku Kosova ka fituar 1.2 miliard euro. Deri më tani, në proces të shpenzimit janë afër 70 për qind të mjeteve, thonë zyrtarë të Qeverisë së Kosovës.
Edon Cana, kryeshef i Agjencisë për Koordinim të Donacioneve, Zhvillim dhe Integrime, thotë se mjetet nga Konferenca e Donatorëve po zbatohen për projekte të ndryshme në tërë territorin e Kosovës.
“Sipas informatave që kemi, mund të them se mbi 70 për qind janë duke u investuar në Kosovë. Në këtë 70 përqindësh përfshihen edhe 200 milionë që janë dhënë nga Shtetet e Bashkuara të Amerikës, lidhur me pagesën e borxhit të jashtëm, të trashëguar nga ish-Republika e Jugosllavisë”, thotë Cana.
Në Konferencën e Donatorëve vetëm Komisioni Evropian ka dhënë 500 milionë euro, ndërsa Shtetet e Bashkuara të Amerikës 400 milionë dollarë.
Edon Cana thotë se të hollat janë shpenzuar për projektet, të cilat ndikojnë drejtpërdrejt në përmirësimin e jetës së qytetarëve. “Duke pasur parasysh që Kosova ka dalë nga një luftë e tmerrshme, ne kemi pasur nevojë për të gjithë sektorët. Këto investime kanë qenë në përputhje me prioritetet e qeverisë, do të thotë varësisht prej donatorëve”.
“Zviceranët i kemi më të fokusuar në ujë, gjermanët në energji dhe ambient, Komisionin Evropian në ndërtimin e kapacitetit të institucioneve të Kosovës dhe amerikanët në ndërtimin e sistemit të drejtësisë”, sqaron Cana.
Në anën tjetër, njohës të çështjeve ekonomike thonë se efektet e shpenzimeve të këtyre mjeteve, në praktikë vërehen shumë pak.
Dardan Sejdiu, analist për çështje ekonomike, thotë se shpenzimi i të hollave nga Konferenca e Donatorëve nuk ka ndikuar në zhvillimin e përgjithshëm ekonomik të vendit dhe në përmirësimin e standardit jetësor të qytetarëve.
Sipas tij, shpenzimi i këtyre mjeteve nuk është bërë në mënyrë transparente nga ana e Qeverisë së Kosovës. “Nuk i kanë bërë gjërat transparente. Konferenca e Donatorëve është për qytetarët e Republikës së Kosovës dhe jo për qeverinë . Kështu që, efektet e këtyre mjeteve në ekonominë kosovare, nuk i shohim, nuk shohim se kemi bruto-prodhim vendor më të mirë, nuk shohim se kemi zvogëluar deficitin tregtar, nuk shohim se kemi arritur projektet infrastrukturore nacionale, që janë prezantuar në Konferencën e Donatorëve”, shprehet Sejdiu.
Në kuadër të kësaj, përfaqësues të Bankës Botërore dhe të Qeverisë së Kosovës, të premten, kanë nënshkruar një program për zhvillimin e punësimit të qëndrueshëm – program që i mundëson Kosovës të marrë 24.6 milionë dollarë në formë granti, si dhe 6.3 milionë dollarë shtesë si kredi.
Ky program, sipas përfaqësuesve të Bankës Botërore, e ka origjinën në kohën e Konferencës së Donatorëve, në korrik të vitit 2008, atëherë kur qeveria u kërkoi donatorëve që një pjesë e ndihmës së ardhshme të jetë mbështetje për buxhetin në vend. /Rel/Telegrafi/
Promo
Reklamo këtuLufta Prigozhin - Putin
Më shumëMbyllet konferenca më e madhe ndërkombëtare për ndryshimet klimatike dhe mjedisin në Prishtinë
Apliko për punë në pak sekonda – Si Telegrafi Jobs po e transformon procesin e rekrutimit
Hapet thirrja publike për mbështetjen e familjeve për investim në ngrohje efiçiente
AMECC Rezonanca shpall fillimin e aplikimit në afatin e dytë për studentët e rinj për vitin akademik 2024/2025
Nga pamja e detit te rehatia moderne: Apartamentet në “Holiday In 2”
Ëndrrat e banimit marrin formë në Grand Residence – Shtëpia e së ardhmes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
"Unë dhe Lirimi nuk jemi më bashkë, hapin e kam marrë unë" - Santiana shpalos detaje nga ndarja
Georg Koch: Kjo është intervista ime e fundit
Ish-gjenerali serb, Ponosh: Vuçiq shpalli kapitullimin në Kosovë
Për cilat projekte shkuan qindra-mijëra euro nga Kosova te Radoiçiq
Santiana Maloku pas fotografisë virale: Unë falem dhe nuk e shikoj fare çfarë thonë të tjerët
Adresimi presidentit serb, Shasha: Nga fiaskoja në Banjskë, hapësira manovruese e Vuçiqit po zvogëlohet