Qeveria e Kosovës do të nënshkruajë gjatë këtij muaji marrëveshjen financiare IPA 2014 me Komisionin Evropian, që kap vlerën prej afro 70 milionë euro, të cilat programohen nga Ministria e Integrimit Evropian.
Kjo marrëveshje, sipas përfaqësuesve të Qeverisë do t’i sjellë përfitime direkte Kosovës në shumë sektorë zhvillimorë.
Ministri për Integrim Evropian, Bekim Çollaku, ka bërë të ditur se përmes kësaj marrëveshjeje Kosova do të ketë rastin të përfitojë përvojat më të mira të shteteve të BE-së në përmirësimin e shërbimeve, rritjen e kapaciteteve e përfitimin e ekspertizës në sektorë të ndryshëm.
“Sektorët që do të mbështeten në kuadër të këtij programi lidhen me demokracinë dhe qeverisjen, sundimin e ligjit dhe të drejtat themelore të njeriut, sektorin e energjisë, bujqësinë dhe zhvillimin rural, si dhe inovacionin dhe konkurrueshmërinë”, ka thënë Çollaku.
Në fushën e energjisë ai ka bërë të ditur se do të mbështetet dekomisionimi i Kosovës A dhe Studimi i Fizibilitetit për Kosovën B në vlerë prej mbi 5 milionë euro. Kurse në fushën e rritjes së konkurrueshmerisë ka thënë se do të mbështetet përmirësimi i infrastrukturës biznesore dhe publike në vlerë prej mbi 7 milionë euro.
“Po ashtu, në kuadër të mbështetjes së sektorit të bujqësisë do të ofrohen grantet në vlerë prej 7 milionë euro. Me qëllim të avancimit të sigurisë së ushqimit dhe përafrimit me standardet evropiane do të investohen 3.5 milionë euro, në zbatimin e legjislacionit të BE-së në kuadër të sigurisë së ushqimit”, ka shtuar Çollaku.
Instrumenti i Para Anëtarësimit (IPA) është instrument i Bashkimit Evropian që ka për qëllim ofrimin e mbështetjes financiare dhe teknike për vendet që aspirojnë të bëhen anëtare të BE-së, me qëllim të përkrahjes së tyre në ndërmarrjen e reformave të parapara në kuadër të procesit të anëtarësimit.
Kosova ka përfituar mbi 635 milionë euro nga instrumenti i IPA-s gjatë periudhës 2007-2013, ndërsa gjatë periudhës 2014-2020 pritet të përfitojë mbi 645 milionë euro. /kp/
Promo
Reklamo këtuLufta Prigozhin - Putin
Më shumëStres i përditshëm? eBukura ju sjell këto dy produkte për një jetë më të qetë dhe të lumtur
Shmangni rreziqet e klorit, jepini shëndetit tuaj një zgjidhje të sigurt me Camelot
Themeluesit dhe ish-CEO, Changpeng Zhao, thuhet se i është bërë një ndalim i përjetshëm nga administrimi i Binance
KF Deçiq, klubi shqiptar kampion në Mal të Zi, merr përkrahje nga Golden Eagle
Vapiano – Destinacioni i shijeve italiane në Prishtinë, tani me porosi online
Inaugurohet investimi më i ri për lumturinë e fëmijëve - ATC Kids
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh