Koha kur Ronaldo e hodhi Messin në tokë dhe u çmend nga inati (Video)

Superylli i Real Madridit, Crisitano Ronaldo e kishte humbur gjakftohtësië e tij pasi ndërhyri ashpër ndaj rivalit të tij të përbetuar gjatë një El Clasico të Superkupës, të cilën e fitoi Barcelona me rezultat 3-2.

Ronaldo ishte i hidhëruar. Ai u zhvendos menjëanë dhe filloi të godaste kraharorin e tij: një, dy, tri, katër, pesë, gjashtë. Nga pikëpamja e tij aty nuk kishte dyshime: edhe pse kishte kontakt, ai nuk e meritoi faulin.

Nga fusha i rrëzuar, Lionel Messi ndërkohë shikonte përreth dhe kënaqej me situatën. Nga momenti kur ai e kapi topin dhe filloi të driblonte në mënyrë motorike, katër lojtarë të Realit e rrethuan. Por, shpejtësia e tij ishte shumë e madhe për Xabi Alonson, Sergio Ramosin, Raul Albiolin dhe Ronaldon.

Lexo po ashtu Gjithçka rreth El Clasicos

Sulmuesi portugez nuk mundi ta duronte vendiomin nga gjyqtari Carlos Clos Gomez dhe e humbi toruan. Video e asaj dite e tregon qartë se si ai e goditi superyllin argjentinas jo vetëm me trupin e tij, por edhe me një pjesë të këpucës së tij.

Ky konflikt ngjau në El Clasicon e Superkupës të zhvilluar në vitin 2012. Barcelona e mposhti Real Madridin 3-2 me gola të Pedros, Messit dhe Xavit.

Në ndeshjen kthyese storia ishte krejt tjetër, shkruan Telegrafi.

Merengezët fituan me rezultat 2-1 dhe morën titullin për shkak të golave si mysafir.

Por, tifozët vazhdojnë që ta kujtojnë këtë moment kur Ronaldo e hodhi në tokë Messin, dhe nuk ishte i kënaqur për këtë.

Ndoshta ishte ky momenti i vetëm kur Messi u rrëzua nga Ronaldo… si në aspektin fizik ashtu edhe futbollistik. /Telegrafi/