Klubet i shpallin ultimatum Ligës Premier që të mbyllë sezonin më herët

Liga Premier është nën një presioni të madh nga disa klube që duan të përfundojnë sezonin më 30 qershor shkaku i disa lojtarëve që u skadon kontrata pikërisht në këtë datë.

Daily Mail raporton se një grup i klubeve janë bërë bashkë, sidomos ato që garojnë në Evropë, duke kërkuar që ky edicion të mbyllet më herët.

Sezoni aktualisht është i suspenduar shkaku i coronavirusit dhe raportohet se nuk mund të mbyllet deri në muajin korrik apo gusht.

Mirëpo, klubet janë të frikësuar se mund të futen në borxhe më të mëdha dhe kërkojnë që ky sezon të përfundojë më 30 qershor.

Chelsea, Arsenal, Manchester United, Manchester City e Liverpool, kanë disa lojtarë që u skadon kontratë në fund të muajit qershor dhe me disa prej tyre do t’ ndajnë rrugët.

Lexo po ashtu Plani i 'çmendur' i Ligës Premier për ta mbyllë sezonin: Katër ndeshje në ditë në stadiumin Wembley

Ata nuk duan që t’u vazhdojnë kontratat lojtarëve edhe pse FIFA kishte bërë me dije se lojtarët do të vazhdonin qëndrimin në klubet përkatëse.

Mbledhja e radhës e Ligës Premeir do të jetë të premten e 17 prillit dhe klubet duan që agjenda kryesore të jetë data përfundimtare se kur duhet të përfundojë ky edicion. /Telegrafi/