Klopp: Ndaj Cityt luajmë për të kaluar në raundin tjetër

Jurgen Klopp ka insistuar se Liverpooli duhet të luaj për të fituar ndeshjen e dytë të çerekfinales së Ligës së Kampionëve kundër Manchester Cityt, në vend që të synojë të sigurojë një rezultat që i sheh ata në raundin tjetër.

Liverpooli ka fituar ndeshjen e parë në shtëpi ndaj Cityt me rezultat 3-0, por trajneri i tyre ka thënë se konferencë për shtyp se skuadra e tij duhet të mendoj ta fitojë edhe takimin e dytë për të kaluar tutje.

“Para së gjithash, unë nuk jam i interesuar për këto lloje të etiketave – favoritët dhe viktimat apo humbësit”, ka thënë fillimisht Klopp në konferencën për shtyp para ndeshjes kthyese ndaj Cityt.

Lexo po ashtu Milionat nuk blejnë peshën e fanellës, Liverpooli i tregon Cityt se në Anfield sheikët janë vetëm spektatorë

“Është e arsyeshme të thuash se nëse luan në fazën e Ligës së Kampionëve kundër fituesve të Ligës Premier, nuk je më favorit. Kjo është ajo që ne ishim javën e kaluar”.

“Për mua, e gjithë loja lidhet me këto dy ndeshje, kështu që nuk jam i interesuar për atë që ndryshon. Si gjithmonë që është në futboll, ju duhet të kaloni në epërsi, duhet të shënoni gola dhe në fund do të shihni se kush ka fituar ndeshjen. Kjo nuk ndryshon”.

“Ne jemi duke kryesuar, nuk ka problem me të dhe është më mirë se sa unë mund të kisha pritur – por të gjithë e dimë, dhe mendoj që të gjithë e dini, ende ka shumë punë për të bërë”.

“Kjo është arsyeja pse ne jemi këtu dhe nuk mendojmë se kush është tani favorit apo çfarëdo tjetër. Kjo është e gjitha. Për të shkuar në raundin e ardhshëm – kjo është ajo që ne do të përpiqemi të bëjmë nesër”.

Lexo po ashtu Guardiola: Man City duhet të bëjë lojë perfekte ndaj Liverpoolit

“Ne të gjithë e njohim Guardiolan, trajnerin më të mirë në botë dhe ishte e qartë se ata janë të pazgjidhur, por nuk ka ekip perfekt të futbollit në botë. Edhe City janë njerëz”.

“Jam i gëzuar për mundësinë, me të vërtetë po pres me padurim ndeshjen. Është gara më e mirë në botë. Ne nuk kemi më shumë përvojë sesa lojtarët e Cityit në këtë garë. Është një test i madh për të dyja skuadrat dhe do të jetë interesante për të parë”, përfundoi gjermani. /Telegrafi/