Këta janë tre favoritët kryesorë për ‘Topin e Artë’ (Foto)

Gara për Topin e Artë 2016 po bëhet akoma më interesante.

Për momentin favoritët kryesorë për të triumfuar janë Cristiano Ronaldo dhe Antoine Griezmann. Portugezi është fitues i Ligës së Kampionëve dhe evropianit të Francës, ndërsa Griezmann është finalist në këto dy aktivitete, por në Euro 2016 ai u shpall lojtari më i mirë i turneut.

Betejës mes lojtarëve kryesorë të dy klubeve madrilene Real dhe Atletiko, i shtohet edhe Lionel Messi, i cili ka në favor statistikat. Në sezonin 2015/2016, Messi arriti të fitojë Superkupën Evropiane dhe Botërorin e klubeve, Ligën Spanjolle dhe Kupën e Mbretit, ndërsa me Argjentinën ai ishte finalist i Copa America.

Edhe pse u shoqërua me probleme fizike, Messi është futbollisti që ka shënuar më shumë gola gjatë këtij viti, 47, 2 më shumë se Luis Suarez dhe 6 më shumë se Cristiano Ronaldo.

Për më tepër, Messi ka regjistruar edhe 24 pasime të sakta për gol, gjë që tregon edhe njëherë influencën që ai ka në lojën e skuadrës së tij. Por jo vetëm kaq. Në Ligën e Kampioneve, Messi ka shënuar 50 gola në 50 ndeshje të Barcelonës në Camp Nou dhe është futbollisti që ka regjistruar më shumë tregolësha në këtë aktivitet, 7 të tillë.

Lexo po ashtu Messi, lojtari i dytë në histori të LK-së që shënon het-trik radhazi, por do të befasoheni nga i pari

Në këtë sezon , Messi ka luajtur dy ndeshje në Ligën e Kampionëve atë me Celtic dhe Manchester City ku ka mundur të shënojë dy tregolësha, gjë që e ka arritur vetëm Luiz Adriano në kohën kur ishte futbollist i Shakhtarit.

Në karrierën e tij, argjentinasi ka regjistruar 41 tregolësha, 37 nga të cilat me Barcelonën. Në 10 ndeshjet e para të këtij sezoni ai ka shënuar 12 gola dhe ka dhënë 6 assist te shokët e tij të skuadrës.