Zyra ndërlidhëse e Komisionit Evropian dhe Ministria për Komunitete dhe Kthim vazhdojnë përpjekjet e tyre të përbashkëta për kthimin e qëndrueshëm dhe reintegrimin e personave të zhvendosur brenda Kosovës. Sot kanë filluar punët rindërtuese për dymbëdhjetë shtëpi në fshatin Dollc të komunës së Klinës.
Kjartan Björnsson, shef i Operacioneve të Zyrës ndërlidhëse të KE-së pohoi: “Jemi të kënaqur që kemi qenë dëshmitarë të përkushtimit të madh dhe të pjesëmarrjes aktive të Ministrisë dhe autoriteteve përkatëse komunale në realizimin e programit të Kthimit dhe reintegrimit në Kosovë. Ky është parakusht për suksesin e procesit të kthimit, shumë-etnicitetin dhe reintegrimin e komuniteteve minoritare në Kosovë. Po ashtu kjo po kontribuon më tutje në përpjekjet e përgjithshme të decentralizimit, duke mundësuar përgjegjësitë e shtuara për komunitetet minoritare si dhe drejtimin dhe kontrollin e plotë të procesit të kthimit.”
Saša Rašić, ministër për Komunitete dhe Kthim pohoi: “Të gjithë personat e zhvendosur kanë të drejtë të kthehen dhe të kenë përkrahje në procesin e kthimit. Kjo është shtëpia juaj dhe të gjithë ne do të ju ndihmojmë që të ktheheni. Kjo është e mundur vetëm me përpjekjen e përbashkët të të gjithëve – Komisionit Evropian, Ministrisë, komunës, Këshillit Danez për Refugjatë dhe, më e rëndësishmja, familjeve që dëshirojnë të kthehen.”
Kristen Stec, përfaqësuesi i Këshillit Danez për Refugjatë në Kosovë pohoi: “Jemi të emocionuar kur shohim duke i rindërtuar shtëpitë e para për familjet që po kthehen në fshatin Dollc. Është për t’u lavdëruar vendosmëria dhe përkushtimi që autoritetet lokale në Klinë e kanë demonstruar qartazi që të jenë prijëse në procesin e kthimit, të promovojnë të drejtat e minoriteteve dhe të gjejnë zgjidhje afatgjata për familjet e zhvendosura për të garantuar një shoqëri shumë-etnike në Kosovë.”
Projekti 24 muajsh i Kthimit dhe Reintegrimit në Kosovë synon të kontribuojë për një shoqëri stabile e shumë-etnike në Kosovë e bazuar në tolerancë dhe promovimin e të drejtave të njeriut dhe minoriteteve. Objektivi i tij specifik është të mbështes kthimin dinjitoz e të qëndrueshëm, reintegrimin e rufugjatëve nga minoritetet e personat e zhvendosur brenda në komunat e Klinës, e Ferizajt, e Obiliqit dhe Rahovecit përmes angazhimit të shtuar të palëve të përfshira në nivelin e qeverisë dhe atë lokal. Të paktën 210 persona minoritarë të zhvendosur nga brenda dhe familje të refugjatëve pritet të kthehen dhe reintegrohen në Kosovë pas përfundimit të projektit.
Komisioni Evropian po kontribuon me € 4 milionë ndërsa Ministria për Komunitete me € 1.1 milion për këtë projekt. Projekti realizohet nga Këshilli Danez për Refugjatë.
Promo
Reklamo këtuLufta Prigozhin - Putin
Më shumëMusk hapave për t'u bërë trilioneri i parë në botë deri në vitin 2027, zbulon një raport
Për një muaj Albafone u bë një kompani globale
Fondi Sovran ende në Kushtetuese, vështirë i realizueshëm sipas ekonomistëve
Si të gjeni punën e përkryer pa shpenzuar orë të tëra në kërkim – Telegrafi Jobs ka zgjidhjen
Produktet arrore që duhet patjetër t’i provoni
Shijoni ushqimet japoneze në shtëpinë tuaj - Japanos tani me porosi online
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar