Juventusi plan ditor për prezantimin e Cristiano Ronaldos të hënën

Juventusi do të hapë stadiumin Allianz për tifozët në prezantimin e Cristiano Ronaldos të hënën, ndërsa është planifikuar një ditë të plotë feste. 

Super ylli portugez ka nënshkruar për Bianconerët për vlerën e 100 milionë eurove dhe të hënën do të vije në Torino për kontrolle mjekësore dhe prezantim.

Sipas gazetës Gazzetta dello Sport të këtij mëngjesi, klubi planifikon një ditë të plotë festimi, për të cilën orari ende nuk është përcaktuar plotësisht.

Sot do të ketë takime që do të zhvillohen me policinë për të siguruar rendin publik, por sigurisht që stadiumi do të jetë i hapur për tifozët.

Kjo do të jetë hera e parë që Stadiumi i Juventusit u hap për prezantim të lojtarit prej se është hapur në vitin  2012.

Policia do të jetë në J-Medical për të siguruar rendin dhe sigurinë kur Ronaldo të arrijë për teste mjekësore.

Pas konferencës për media, CR7 pritet t’u drejtohet tifozëve, ku pastaj do të fluturojë përsëri për pushime në Greqi.

Megjithatë, një hotel luksoz është rezervuar në qendër të Torinos, nëse portugezi me stafin e tij  të qëndrojnë gjatë natës./Telegrafi/