BE-ja ndan 1 miliard euro për blerjen e municioneve për Ukrainën

Ambasadorët e Bashkimit Evropian më në fund kanë rënë dakord rreth një marrëveshje prej 1 miliard eurosh për të blerë predha shumë të nevojshme për Ukrainën.

Lëvizja, e cila është pjesë e një marrëveshjeje historike municioni të rënë dakord në muajin mars, u pengua ndërsa anëtarët grinden mbi rregullat e përshtatshmërisë – duke zemëruar Kievin.

Lexo po ashtu Zelensky: Së shpejti do të nisim kundërofensivën ndaj rusëve

Por Suedia, mbajtësja e presidencës së radhës së BE-së, tha se ambasadorët sot finalizuan marrëveshjen.

I welcome the EU’s long-awaited decision to allocate €500 million for artillery ammunition and missile production by EU defence industry. Increased production will help cover the needs of Ukrainian Armed Forces. A step we expected and a sign of lasting EU support for Ukraine.

— Dmytro Kuleba (@DmytroKuleba) May 3, 2023

Përveç skemës prej 1 miliard eurosh për blerjen e përbashkët të municioneve për Kievin ndërsa përgatitet për një kundërsulm kundër Rusisë, Komisioni Evropian ka nisur gjithashtu një plan për të përdorur më shumë se 500 milionë euro për të ndihmuar kompanitë evropiane të armëve të përmirësojnë pajisjet dhe të rrisin kapacitetin e tyre të prodhimit.

Lëvizjet e sotme janë pjesë e një plani me tre pista për t’i siguruar Ukrainës një milion predha dhe raketa brenda një viti.

Ministri i Punëve të Jashtme të Ukrainës, Dmytro Kuleba, i cili më parë paralajmëroi se “kostoja e mosveprimit matet me jetë njerëzore”, përshëndeti vendimin e sotëm. /Telegrafi/