Përfaqësues të institucioneve kosovare thonë se nuk do të lejojnë që Serbia t’i forcojë strukturat e saj paralele në Kosovë, ndërkohë që Beogradi zyrtar ka ndarë mbi 40 milionë euro për këto struktura. Por, sa kanë institucionet vendore kontroll mbi investimet që bëhen nga Serbia në Kosovë?
Përfaqësuesit e Qeverisë së Kosovës deklarojnë se nuk do të lejojnë në asnjë mënyrë që Serbia t’i forcojë strukturat e saj paralele në Kosovë, edhe pse, së fundi, përfaqësuesit e Beogradit zyrtar janë zotuar se do të bëjnë çdo gjë për të mundësuar zhvillimin e mëtejmë dhe fuqizimin e strukturave të veta në Kosovë.
Mirëpo, zëvendëskryeministri i Kosovës, Hajredin Kuçi, thotë se janë duke punuar vendosmërisht, në mënyrë që komuniteti serb në Kosovë të rrisë besimin ndaj institucioneve të Kosovës, e me këtë të zbehin ndikimin e strukturave paralele.
“Ne jemi duke punuar që ta vendosim rendin dhe ligjin. Ajo (Serbia) po e bën ende financimin e strukturave paralele – disa struktura, të cilat mendojnë që ta përfaqësojnë sovranitetin e Serbisë”.
“Unë mendoj që këtu duhet të kemi veprime të ligjshme, bashkë me bashkësinë ndërkombëtare”.
“Kjo nuk do të ndodhë si diçka e përnjëditshme, po duhet të jemi të kujdesshëm që të jemi atraktivë ta bindim minoritetin serb dhe njëkohësisht të veprojmë në përputhje me ligjin”, thotë Kuçi.
Edhe strategjia për veriun e Kosovës, e hartuar nga Zyra Civile Ndërkombëtare së bashku me Qeverinë, sipas Kuçit, do të bëjë që në veri të Kosovës të respektohet edhe rendi, edhe ligji.
Zyrtarët e partive opozitare thonë se institucionet kosovare tashmë kanë mekanizmat ligjorë, që duhet t’i përdorin dhe të mos lejojnë investime ilegale të Serbisë në Kosovë.
Sekretari i përgjithshëm i Aleancës për Ardhmërinë e Kosovës, Burim Ramadani, konsideron se Qeveria e Kosovës duhet të reagojë menjëherë në ndaljen e punëve, ose konfiskimin e secilit investim që ndodh nga Serbia në Kosovë.
“Institucionet e Kosovës e kanë mekanizmin e ligjit; janë ato që duhet ta përdorin atë, për të ndaluar investimet ilegale dhe të karakterit agresor që bën shteti i Serbisë në Kosovë”.
“Sipas ligjeve në Kosovë, çdo investim nga Serbia duhet të shkojë përmes, ose me pajtimin e Qeverisë së Kosovës. Dhe, secili investim që bëhet pa këtë procedurë, duhet të konsiderohet si ilegal dhe që cenon integritetin dhe sovranitetin e shtetit të Kosovës”, thekson Ramadani.
Një nga mënyrat e tjera të mundshme për mos të lejuar investime nga Serbia në Kosovë, siç konsideron Ramadani, është edhe mundësia që institucionet e vendit të nisin investimet në ato pjesë të Kosovës ku janë të nevojshme.
“Serbia është duke vazhduar politikën e saj agresore ndaj Kosovës dhe, normalisht që nuk presim që në këtë fazë Serbia të komunikojë me Qeverinë e Kosovës”.
“Por, institucionet e vendit duhet të jenë më aktive për t’i ndaluar këto investime dhe në të njëjtën kohë, për të hyrë me investimet e veta më të mëdha në të gjitha zonat e Kosovës dhe posaçërisht ato me komunitetin serb”, shpjegon Ramadani.
Ndërkaq, sipas ekspertëve për çështje financiare, për investimet e Serbisë në Kosovë është diskutuar edhe në bisedimet e Vjenës, gjatë negociatave për statusin e Kosovës.
Eksperti Muhamet Mustafa thotë se Qeveria e Serbisë mund të investojë në Kosovë, por vetëm duke i respektuar rregullat dhe ligjet.
“Nëse hyn me rregulla, siç munden shtetet e tjera që investojnë në Kosovë, ne nuk mund ta ndalojmë Serbinë të investojnë në Kosovë. Mirëpo, duhet të zbatohen ligjet e Kosovës dhe duhet të bëhet brenda sistemit financiar të Kosovës, brenda thesarit Kosovës dhe ligjeve”.
“Nëse nuk e bën një gjë të tillë dhe keqpërdoren ato mjete për politikë, atëherë duhet të veprojë ligji. Por, sa është bashkësia ndërkombëtare dhe Kosova e interesuar që të insistojë në forcimin e ligjit dhe veprimin e ligjit, kjo është një çështje tjetër”, vlerëson Mustafa.
Mustafa sqaron se asnjë shtet në botë nuk lejon parasistem financiar, sepse, siç thotë ai, ky veprim shkatërron ekonominë, konkurrencën e barabartë, si dhe e shkatërron sistemin ligjor.
Mustafa shprehet se Serbia nuk është e interesuar të ndihmojë zhvillimin e komunitetit serb të Kosovës.
“Serbia mund të ndihmojë zhvillimin e komuniteti serb këtu, por duke i zbatuar ligjet e Kosovës dhe duke vepruar në sistemin e pagesës, në sistemin bankar, si dhe në të gjithë rregullativën financiare të Kosovës”.
“Serbia, natyrisht që nuk është e interesuar për një punë të tillë, se ajo tenton që këto ndihma financiare t’i politizojë. Nuk shumë e brengosur për pozitën e kombit serb, sa për politizimin e këtyre situatave”, shprehet Mustafa.
Për vitin 2010, Qeveria e Serbisë ka ndarë mbi 40 milionë euro për strukturat paralele në Kosovë, të cilat janë ngritur që nga vitit 1999. /rel/
Lufta Prigozhin - Putin
Më shumëNga Rubrika
![Auto Mita shpërblen me 20.000 euro dhuratë 10 blerësit e parë të Volvo XC90](https://telegrafi.com/wp-content/uploads/2020/09/Volvo-XC90-1-380x233.png)
Auto Mita shpërblen me 20.000 euro dhuratë 10 blerësit e parë të Volvo XC90
![Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në mbështetje të startup-eve në rajon e më gjerë](https://telegrafi.com/wp-content/uploads/2024/09/458531055_1167541964309233_7984065648932826995_n-380x233.jpg)
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në mbështetje të startup-eve në rajon e më gjerë
![Fito VESPA dhe udhëtim në çift në Amsterdam](https://telegrafi.com/wp-content/uploads/2024/09/IPPETROL-2-380x233.png)
Fito VESPA dhe udhëtim në çift në Amsterdam
![Të shpejta, të shijshme, plot vlera ushqyese - Kurseni kohë, pa sakrifikuar shijen me gjellërat e gatshme të MEKA-s](https://telegrafi.com/wp-content/uploads/2024/09/Meka-Halal-Food-780x439.jpg)
Të shpejta, të shijshme, plot vlera ushqyese - Kurseni kohë, pa sakrifikuar shijen me gjellërat e gatshme të MEKA-s
![Për herë të parë në ballkan, lançohet aplikacioni Rentout që thjeshton qiradhënien e automjeteve](https://telegrafi.com/wp-content/uploads/2024/09/Rentout-e1725887727776-780x439.png)
Për herë të parë në ballkan, lançohet aplikacioni Rentout që thjeshton qiradhënien e automjeteve
![Auto Mita shpërblen me 20.000 euro dhuratë 10 blerësit e parë të Volvo XC90](https://telegrafi.com/wp-content/uploads/2020/09/Volvo-XC90-1-780x439.png)
Auto Mita shpërblen me 20.000 euro dhuratë 10 blerësit e parë të Volvo XC90
![AAK kërkon miratimin e Ligjit të Pagave dhe Sigurimeve Shëndetësore, premton pagë një mijë euro](https://telegrafi.com/wp-content/uploads/2024/03/Besnik-Tahiri-AAK-780x439.jpg)
AAK kërkon miratimin e Ligjit të Pagave dhe Sigurimeve Shëndetësore, premton pagë një mijë euro
![Vetura Scout - Platforma që ndryshon rregullat e shitblerjes së veturave në Kosovë!](https://telegrafi.com/wp-content/uploads/2020/09/0-780x439.png)
Vetura Scout - Platforma që ndryshon rregullat e shitblerjes së veturave në Kosovë!
![Keiretsu Forum dhe BKT Kosova: Një bashkëpunim i guximshëm për zhvillimin e startup-eve në Ballkan](https://telegrafi.com/wp-content/uploads/2024/09/kiretsu-forum-780x439.jpg)
Keiretsu Forum dhe BKT Kosova: Një bashkëpunim i guximshëm për zhvillimin e startup-eve në Ballkan
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali](https://telegrafi.com/wp-content/uploads/2024/09/ga1-780x439.jpg)
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
![Vjen reagimi i Edon Zhegrovës pas përjashtimit nga kombëtarja e Kosovës](https://telegrafi.com/wp-content/uploads/2024/09/edoni-780x439.jpg)
Vjen reagimi i Edon Zhegrovës pas përjashtimit nga kombëtarja e Kosovës
![Ronaldo befasoi me zgjedhjen e tij kur përmendi lojtarin më të mirë që ka parë ndonjëherë](https://telegrafi.com/wp-content/uploads/2024/09/ronaldo-1-780x439.jpg)
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
![Ulje drastike e temperaturave - të martën pritet shi e rrufe](https://telegrafi.com/wp-content/uploads/2024/07/Rrufete-Vetetimat-ne-Prishtine-foto-Ridvan-Slivova-1-780x439.jpg)
Ulje drastike e temperaturave - të martën pritet shi e rrufe
![Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë](https://telegrafi.com/wp-content/uploads/2024/08/Osmani-Kurti-780x439.jpg)
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
![Balena, miu i ngordhur, macja dhe pëllumbi – historitë se si kafshët janë përdorur për të spiunuar](https://telegrafi.com/wp-content/uploads/2024/09/cats-6-780x439.jpg)
Balena, miu i ngordhur, macja dhe pëllumbi – historitë se si kafshët janë përdorur për të spiunuar