Interi konfirmon lëndimin e Mkhitaryanit

Interi ka konfirmuar zyrtarisht se Henrikh Mkhitaryan aktualisht është i lënduar për shkak të një problemi me tërheqje muskulore.

Mesfushori 33-vjeçar armen nënshkroi për Nerazzurrët në një transferim të lirë muajin e kaluar pasi u largua nga Roma, duke shtuar një tjetër veteran me përvojë në skuadrën e Simone Inzaghit.

Mkhitaryan nuk e nisi ndeshjen në hapjen e sezonit kundër Lecces, por hyri në lojë në minutën e 57-të në vend të Marcelo Brozovic.

Lexo po ashtu Të gjitha lajmet nga Inter

Siç njoftoi Interi, testet mjekësore të kryera mëngjesin e sotëm në “Clinico Humanitas” në Rozzano konfirmuan se Mkhitaryan ka një lëndim të lehtë muskulor në këmbën e majtë. Gjendja e armenit do të monitorohet çdo ditë, por ai nuk pritet të kthehet në fushë për rreth dy deri në tre javë.

Sezonin e kaluar, 33-vjeçari bëri 44 paraqitje në të gjitha garat për Romën, për një total prej 3354 minutash.

Në atë kohë, ai shënoi pesë gola dhe dha nëntë asistime. Shqetësues për Interin, Mkhitaryan humbi katër ndeshjet e fundit të sezonit të Serie A të Giallorossët për shkak të një zgjatje muskulore. /Telegrafi/

Inter, UFFICIALE: infortunio per Mkhitaryan, le sue condizioni https://t.co/6pV9TzzZhV

— calciomercato.com (@cmdotcom) August 16, 2022