Interi kishte ofruar për Lionel Messin katërfishin e transferimit më të shtrenjtë në atë kohë, edhe sot argjentinasi do të ishte një rekord

Inter kishte paraqitur një ofertë të madhe prej 250 milionë euro për të nënshkruar me Lionel Messin nga Barcelona në vitin 2006.

Këtë gjë e ka thënë Joan Laporta, i cili është kthyer në presidencën e klubit pasi u zgjodh për herë të dytë.

Mandati i tij i parë ishte midis viteve 2003 dhe 2010 dhe ai ka zbuluar se klubi refuzoi një ofertë të madhe për Messin 15 vite më parë.

Messi i ri në atë kohë sapo e kishte ndihmuar Barcelonën të fitonte Ligën e Kampionëve nën drejtimin e Frank Rijkaard dhe Interi ishte i gatshëm të paguante katërfishin e shumës aktuale të transferimit që ishte rekord botëror për të marr shërbimet e tij.

Në atë kohë, Zinedine Zidane ishte lojtari më i shtrenjtë në histori pasi u bashkua me Real Madridin nga Juventusi për 77 milionë euro në 2001.

“Askush që e do Barcelonën nuk mund të ketë dyshime për Messin. Ne refuzuam një ofertë prej 250 milionë euro që vinte nga Interi në vitin 2006. [Massimo] Moratti donte ta sillte atë në klubin e tij”, ka thënë Laporta për Radio Onda Cero.

Messi ka vazhduar të fitojë edhe dy Liga të Kampionëve dhe tetë La Ligas, përfshirë edhe gjashtë Topa të Artë. /Telegrafi/