Ibra mund të kalojë te klubi suedez Hammarby

Drejtori sportiv i Hammarby, Jesper Jansson, ka thënë se ekziston mundësia që Zlatan Ibrahimovic të luajë për klubin suedez.

Sulmuesi veteran ka qëndruar në Suedi duke u stërvitur te klubi, ku i ka 25 për qind të aksioneve, ndërsa gjatë të hënës pritet të arrijë në Milano.

Jansson e ka lëvduar 38-vjeçarin dhe ka thënë se prezenca e tij ka qenë shumë pozitive gjatë periudhës së vështirë të pandemisë së coronavirusit.

https://www.instagram.com/p/B9CFQJ3HLwf/

“Ka qenë jashtëzakonisht pozitive. Sidomos në këtë periudhë. Edhe për mia edhe për klubin, për vëmendjen dhe interesimin e mediave. Madje edhe për Allsvenskan (ligën suedeze) dhe jo vetëm, edhe për lojtarët tanë”, ka deklaruar Jansson për Expressen.

Ibra nisi stërvitje kah mesi i prillit duke i shfrytëzuar lidhjet me klubin për të qëndruar në formë gjatë kohës së izolimit në Itali.

Dhe tani, tifozët në Stokholm po ëndërrojnë kthimin e ish-lojtarit të Malmos, ndërsa drejtori sportiv i Hammarby, e ka lënë të hapur mundësinë.

“Ekziston një shans, besoj që po. Mirëpo, vetëm Zlatani e di me siguri. Kam mësuar se ai nuk do të thotë asgjë derisa të jetë qind për qind i sigurt”, ka shtuar drejtori i klubit suedez. /Telegrafi/

https://www.instagram.com/p/B-ZO6IBnBv4/