Hargreaves beson se Manchester City ka lojtarin më unik në botën e futbollit

Fati i titullit të Ligës Premier do të vendoset këtë fundjavë kur Manchester City do të presë Liverpoolin.

Të dyja skuadrat do të kenë ende shtatë ndeshje për të luajtur pas ndeshjes të së dielës dhe çdo gjë mund të ndodhë nga tani deri në fund të sezonit. Por kjo ndeshje në Etihad ndihet kulmore, në atë që fituesi do të shkojë në krye të ligës (City me katër pikë, Liverpool me dy) dhe do të ketë një avantazh të madh psikologjik në dy muajt e fundit të futbollit.

Mirëpo, në këto ndeshje të mëdha, duhen lojtarë të mëdhenj që të përcaktojnë fatin e ndeshjes, dhe legjendat e futbollit të cilët aktualisht analizojnë futbollin, mendojnë se Citizens e ka atë lojtarë, që është më uniku në botën e futbollit aktualisht.

Lexo po ashtu Një epokë e re në futboll ka filluar tashmë: Kush është "mbreti"?

Siç tha Owen Hargreaves pas fitores së City ndaj Atletit: “(Foden) mund të luajë në një nivel të klasit botëror në katër ose pesë pozicione të ndryshme”, përpara se të shtonte, “Phil është një dhe i vetmi Ai është lojtari më unik në botën e futbollit”.

Rio Ferdinand ishte plotësisht dakord, duke vënë në dukje aftësinë e Fodenit për t’i parë gjërat qartë, pavarësisht se sa e egër është ndeshja: “Phil Foden në këtë situatë; ai nuk turbullohet. Fotografia qëndron e qartë, HD, 4K, çfarëdo që ju pëlqen. Ai mund ta shohë atë qartë”.

Joleon Lescott shkoi edhe më tej se kolegët e tij, duke deklaruar se: ” Nëse (Foden) vazhdon me ritmin që ai po zhvillohet, atëherë ai zbret si lojtari më i mirë anglez, më i dekoruari ndonjëherë”.

Lexo po ashtu Si një trajner i vrapimit e shndërroi Phil Fodenin në një 'raketë'

Kjo krahasime mund të duken ekstreme, por duke pasur parasysh aftësinë e dëshmuar të Foden për të dominuar dhe vendosur lojëra të mëdha, ai thjesht mund të jetë arma kryesore e Cityt në këtë derbi. Mënyra se si Liverpool përballet me Phil Foden mund të vendosë se cilat janë shanset e tyre për të dalë nga Etihad me rezultatin që u nevojitet për të rifituar titullin e tyre në Ligën Premier.

Nëse ata nuk mund të përballen me Foden, atëherë City ka të ngjarë të shkojë katër pikë përpara dhe të mbrojë titullin e tyre. /Telegrafi/