Hamilton merr ofertë prej 71 milionë eurosh për kontratë të re me Mercedesin

Lewis Hamilton ka marrë një ofertë sensacionale prej 71 milionë eurosh për të nënshkruar kontratë njëvjeçare me Mercedesin, 90 për qind të të cilës do ta paguante blerësi potencial i Manchester Unitedit, Sir Jim Ratcliffe dhe kompania e tij, Ineos.

Shtatë herë fituesi i Formula 1 ka kontratë deri në fund të sezonit të ardhshëm, nga e cila përfiton rreth 46 milionë euro në vit.

Mirëpo, sipas Sportune, britanikut i është ofruar qëndrimi te Mercedesit – pa e përfshirë bonusin prej 25 milionë eurosh për fitimin e titullit – por me një rritje enorme në pagën bazë.

Lexo po ashtu Renditen 10 pilotët me fitimet më të mëdha në Formula 1 nga të gjitha kohërat - Schumacher i pakonkurrencë

Kjo ofertë vjen pasi Hamilton pati sezonin më të keq në karrierën e tij në Formula 1 duke mos arritur ta fitonte asnjë garë.

Ka pasur spekulime se 38-vjeçari do të largohej nga Mercedesi pas përfundimit të kontratës, megjithëse trajneri ekipor, Toto Wolff, beson në qëndrimin e tij.

Lexo po ashtu Njeriu më i pasur i Britanisë së Madhe fillon procedurat për blerjen e Manchester United

Sponsor i Mercedesit është kompania Ineos e Sir Jim Ratcliffe që besohet se do ta paguajë 90 për qind të kontratës së tij. 70-vjeçari i ka kryesuar titujt me lajmin se dëshiron ta blejë Manchester Unitedin nga familja Glazer. /Telegrafi/