Guardiola: Jam i vetmi që besoj në kualifikim

Pep Guardiola ka folur pas ndeshjes çerekfinale të Ligës së Kampionëve që Manchester City i tij e luajti në udhëtim te Liverpooli.

Manchester City është mposhtur thellë nga Liverpooli me rezultat 3-0 në takimin e parë të çerekfinaleve, por përkundër kësaj humbje, Guardiola beson se skuadra e tij mund të kaloj tutje.

“Në këtë dhomë mendoj se nuk ka askush, përveç djaloshit që flet me ju [Guardiola], i cili beson se mund të kalojmë tutje”, ka thënë fillimisht Guardiola pas ndeshjes.

Lexo po ashtu Milionat nuk blejnë peshën e fanellës, Liverpooli i tregon Cityt se në Anfield sheikët janë vetëm spektatorë

“Ekzistojnë edhe 90 minuta tjerë, do të përpiqemi të kualifikohemi”.

“Unë besoj shumë në ekipin tim, ata më treguan shumë gjëra të mira gjatë sezonit. Rezultati është kaq i vështirë, nuk mund ta mohojmë”.

“Sot ju po flisni për Real Madridin që kalon tutje, Barcelonën që kalon, Bayern Munichu që kalon dhe Liverpuli që po kalon tutje”.

Lexo po ashtu Liverpool 3-0 Man City, notat e lojtarëve

“Por, ne të gjithë kemi edhe nga 90 minuta – Sevilla, Juventusi, Roma dhe ne”.

“Ne do të përpiqemi, është kaq e komplikuar, sepse ne do të luajmë kundër një ekip të madh. Kemi leje për ta besuar atë”, përfundoi trajneri i Cityt. /Telegrafi/