Evropa është në një situatë lufte të vërtetë me Rusinë, thotë ish-drejtori i MI6

Ish-drejtori i Shërbimit Sekret të Inteligjencës së Britanisë së Madhe (MI6) thotë se Evropa nuk është më në një situatë para-lufte me Rusinë, por në një luftë të vërtetë.

Sir Richard Dearlove deklaroi se ai nuk është dakord me vlerësimin e kryeministrit polak, Donald Tusk, i cili thotë se Evropa është në një periudhë para-lufte, shkruan skynews.

Lexo po ashtu Presidenti polak përjashton dërgimin e armëve të reja në Ukrainë

“Unë mendoj se duhet të pranojmë faktin që rusët mendojnë se janë në një gjendje lufte me ne”, pohoi Sir Richard.

“Donald Tusk e ka quajtur këtë një situatë para-lufte. Unë mendoj se ai është gabim. Mendoj se është një luftë e vërtetë. Kemi parë tashmë qartë disa lëvizje shumë agresive nga ana e rusëve në disa shtete të Evropës”, shton ai.

Kur pyetet nëse liderët perëndimorë duhet ta telefonojnë dhe ta kontaktojnë presidentin rus, Vladimir Putinin për të zgjedhur një politikë komunikimi, Sir Richard thotë se ai “ka besuar gjithmonë në një dialog me kundërshtarët ose armiqtë.”

“Mendoj se jemi në një situatë shumë të vështirë, dhe ndoshta Rusia është më mirë të ketë njëfarë dialogu me ta, sesa të mos ketë fare kontakt. Pra, nuk e përjashtoj atë. Por mendoj se tani, nuk jam i sigurt nëse Rusia është në një gjendje ose një situatë ku do të jetë shumë e lehtë të flasësh me Putinin”, përfundoi ish-drejtori.

Ndryshe, Sir Richard Billing Dearlove është oficer i pensionuar britanik i inteligjencës, i cili ishte drejtor i Shërbimit Sekret të Inteligjencës të Britanisë (MI6), një rol i njohur informalisht si “C”, nga viti 1999 deri në 2004. Ai aktualisht është Kryetar i Bordit të Besimtarëve të Universitetit të Londrës. /Telegrafi/